每年既農曆新年賭局真係唔少得~
最常接觸既相信都係魚蝦蟹…大小…三公~
哩三樣我地都會玩~
我地就仲有另類既玩意!
就係盲公骰及狀元籌!
哩兩個玩意應該比較少人接觸~
後者更加有好多人未聽過添!
但我就好喜歡玩喇!
因為都係擲骰仔遊戲!
唔需要技術只靠運氣就可以了~
盲公骰
基本上都好普遍~
在麻雀賭具店實會有得買!
六粒骰~加埋只有21點~
每粒骰只有一面有點數其餘五面係空白無野既!
參加者每人拿廿一蚊放入彩池!
(銀碼必須要係21既倍數!)
輪住擲骰~擲到幾多就可以在彩池拿幾多~
相反擲唔到點數就要罰一蚊出來!
玩到尾聲…彩池既錢已所剩無己~
如只剩下五蚊~參加者好運地擲了五點…遊戲會結束!
除了可以在彩池拿走五蚊~每位參加者都要俾五蚊哩位幸運兒!
相反如果擲多過五點就要補回差額放入彩池!
如果你好運地擲了21點~即係全部骰既點數開晒!
恭喜晒!彩池裡既錢無論有多少都屬於你架喇!
仲要每人俾多21蚊你~
哩個運氣我都只係試過一次半次!
機會率只有1/46656!
昨晚運氣不夠…輸了$50
沒有留言:
張貼留言