一月之星 @ 秋田鐵板燒

今日慶祝一月之星既生日加團年飯！

一行十一人去左尖沙咀秋田鐵板燒食左個豐富既晚餐！

一個月內連續兩個星期六都鐵板燒真係第一次呢…

先來幾客雞泡魚干送下酒先…

然後師傅整左每人一客魚子醬蒸蛋！

再上刺身拼盆…

開始啲重頭戲喇！

有龍蝦有鮑魚…

好生猛呀！

接下來有鵝肝！

當然唔少得鹿兒島和牛…

之後仲有龍蝦湯…炒菜…炒飯…

最後以銅鑼燒作總結…

今晚開左三枝清酒！

真係飽到捧住個肚走呀！

好滿足呢！

大件事

天氣真係凍到不得了呀！

完全唔想起身返工…

好想繼續躲在被窩中懶洋洋渡過…

下午跟Mami通電話時得知嫲嫲唔舒服叫車送左入院…

原來是感到半邊身麻痺…

診斷是中風了…

完全不能相信！

怎會這麼突然？

臨近歲晚…突然發生哩啲事！

真係好唔開心呀！

個心真係好唔舒服…

我明白老人家好多老人病真係避免唔到！

寒

好凍呀！

今日晚天氣真係又寒又冷又凍！

五十九年來最冷天氣！

躲在家中邊度都唔想去…

除在被窩中…

屋企每個角落都好凍！

整日既氣溫徘徊在3-4度！

今日Rubi在嚴寒中做姊妹一定凍到傻呀！

不過一定好難忘！

黃昏時段同HusB落街睇下有咩買？

今晚來一個簡簡單單既火鍋應下節丫嘛！

買左啲肥牛…豆苗…魚片頭…炸墨魚丸…

開埋屋企罐午餐肉！

好溫暖呀

團年飯 @ 渥鐵板燒

今日HusB公司有Seminar要幫手！

所以我相約Daddy & Mami去飲茶…

回娘家前去買左盒塔斯曼尼亞車厘子返去孝敬佢地！

大大粒又靚又甜…

不過哩排發現便便既顏色好似柯黑屎咁！

明明一向都好正常…

原來就係哩排食得太多車厘子…

導致便便比較深色好似黑屎！

真係嚇親！哈哈…

今晚一行七人到尖東渥鐵板燒日本料理食團年飯！

以往食鐵板燒好少選擇海鮮…

今次我地叫左三個龍蝦海鮮餐同三個和牛餐！

師傅先炒蒜片當小食！

套餐有沙律…

仲有鵝肝魚子醬蒸旦！

龍蝦海鮮餐主角緊係唔少得龍蝦啦…

個龍蝦頭可選擇用來煲粥或湯…

五味真火…噴…

俾啲火我…俾啲火我…

我第一次見識到哩壇火…

哩個花臣野我唔多欣賞呢！

純粹燒一燒啲龍蝦殻煲粥會鮮味啲出啲…

和牛就真係俾師傅搞彎晒…

邊可能落調味料好似唔駛錢咁…

即刻Stop佢都冇用…搞到塊扒過咸！

之後仲有炒雜菜同炒飯…

仲有牛奶布丁做甜品！

今晚天氣好凍呀！

食飽飽我回家先繼續計劃行程…

HusB跟好友到酒吧飲下酒吹下水啦！

Bake Cheese Tart

哩個星期食得最多既甜品係芝士撻！

一係唔食…

一食就食足幾日！

好滿足呀！

星期四Rubi請我食一個暖暖既芝士撻…

星期六返娘家…

發現原來雪凍左既撻係仲好味架！

好似食芝士旦糕咁呢…

真係食開個胃！

今日約左Mami同Rubi去銅鑼灣行街街！

見到條人龍比較短…

忍唔住又去排隊買返半打先！

真係好好味呀…

一月之星 @ GlassHouse

今年一月之星揀左IFC既Glass House慶祝生日！

不得不讚哩個黑松露醬薯條！

個黑松露醬好好味呀…

勁想再encore呀…

不過哩度午餐都有限時要交枱！

一行六人繼續搵個地方吹吹水…

然後各自回家晚飯啦！

好優閒既一天！