英西之旅 - 巴塞+倫敦篇 DAY 7

今日行程相當緊密！

因為昨日勞動節既關係所有店舖都休息完全無得俾我去購物！
所以今日要在前往倫敦前作最後衝刺…

早上起來去左酒店附近食早餐！
同樣都係牛角包…好鬆軟好好味呀！
不過今次就飲CAPPUCCINO…
之後回酒店執齊行李準備CHECK-OUT！
索性帶埋佢地去名店做埋我要去做既事！
其實都真係嬲自己點解唔早啲決定買呢？
安排既SHOPPING DAY又無為意係假期休息…
搞到自己咁趕…同埋歐元哩兩日爆升返上去…
即係變相買貴野喇！

心頭好有太多了…但金錢真係有限！
所以這次我只買了一個手袋！是西班牙品牌LOEWE…
其實早就對AMAZONA有興趣！
亦是今次來這裡既嚢中物！
加上剛換了設計總監…哩個經典款式亦已停產！
難得來到西班牙就將佢帶回家！

其實仲有個BV好想買…但係貴得濟放棄了！
幫RUBI買左個BURBERRY…
店員說哩個新色剛出了一星期吧！


完成任務就直接搭返Aerobus去機場…
預早了三個多小時來都是因為怕會人多退稅要用好多時間！
但比預期少所以好快就完成！
海關也沒有要求看看我的戰利品就給我蓋印了！
由於都是GLOBAL BLUE退稅公司所要都是要在CHECK-IN後先可退回現金！

機場DUTY FREE唔係咁大…比較少野行！
幸好仲有間ZARA作最後既衝刺…
HusB買到件恤衫也買了一件風褸給老爺！
之後真係要離開了…
搭四點機去倫敦喇！


返到姑媽屋企都差不多七點…
最開心莫過於有煮家飯食喇！
其實西班牙料理係好食…
但每餐都食差唔多既野感覺有點膩！
甚至有兩晚我地都放棄食晚餐了！
食返啲港式既菜式真係好開心！
食飽出去散步去SUPERMARKET行下就回家休息了！
明日又有精彩節目了！

英西之旅 - 巴塞篇 DAY 6

昨晚酒店附近好似好熱鬧…

原來今日係五一勞動節假期！
怪不得當地人遲遲都唔訓出左街玩啦！

早上既街道較冷清！
街上的都是遊客較多…

連續咁多日都向加泰隆尼亞廣場行…
今次就向西班牙廣場進發…
從機場搭Aerobus會途經此地！

西班牙廣場中心有座巨大噴泉！

而附近有一個舊鬥牛場改建而成既購物中心！

我地沒有打探過如何進入哩個購物中心…
因為眼前只見到一個可以直達購物中心頂樓暸望台睇風景既電梯！

所以就俾左每人1€搭電梯！
上面有好多餐廳…環境好吸引！
要不是剛食飽早餐真係要在這裡食個晏呀…
之後原來上來暸望台係唔需要俾錢搭電梯！
因為係有扶手電梯落購物中心再去地面！
不過奇怪在點解啲店全部都無開門既？

穿過兩座紅磚尖塔有條大直路會見到魔術噴泉同加泰隆尼亞美術館！

從魔術噴泉行去加泰隆尼亞美術館都有點遠！

幸好有電梯可以上到美術館…
如果行樓梯上的話…真係想掉頭走了！

有好多遊客…
影下相坐低休息下聽下街頭演奏者拉小提琴真係好寫意…

其實我地都冇特別睇過西班牙廣場哩邊有咩行有咩睇！
純粹優閒到處走…


行下行下…咦？哩度係咪奥運場地呀？

我地完全唔諗住去卻誤打誤撞走左黎既？

由細到大都好喜歡睇奥運燃點聖火個一幕！
每個舉辦國都會好保密…
我最有印象就係射箭點聖火…
不過唔會有印象係邊個國家城市…

看到主場館感覺好細！
乜主場館唔係應該好似北京鳥巢咁大既咩？
直至看到場館周圍介紹…
終於肯定係主場館了！

噢…睇到聖火台了…
原來我最喜歡同最深刻既點聖火就係1992年巴塞隆拿奥運會！
突然感覺到興奮…
同埋看到吉祥物公仔！
小朋友既記憶一下子回來呀！

然後我地繼續亂咁行…行行行…
繼續向落山方向行行行會去到蘭布拉大道！
食完午餐係時候要去血拼喇！
因為安排左今日去shopping丫嘛！
誰不知…
整條格拉西亞大道既店舖全部都關門…
噢…原來勞動節真係會休息架！
心情好低落…
一黎啲歐元升返…
二黎係我地聽日就走了！
我啲包包一個都未買…
都只怪自己無好好留意假期問題！
安排左錯誤日子做shopping day…

咩都做唔到！
唯有回酒店休息下再出發去海邊…
因為今日有沙灘足球比賽去湊下熱鬧！
不過真係超多人…
排隊入場既人龍長到呢…
我地放棄了！
繼續在海邊慢步…

經過一間小型超級市場俾我見到樣心頭好！
就係FCBARCELONA CHIPS！

即刻買返包俾Rubi做手信…
超開心呀！

然後又繼續慢慢行返去蘭布拉大道…舊城區…
哩兩個地方行左好多轉！
當然緊係要買黑毛豬食啦！

行下行下都已經七點幾了！
我地搭metro去聖家堂睇夜景…

等…等…等…等到天黑齊晒…
聖家堂終於都亮燈喇！
之不過…我部相機等唔到哩一刻！
無晒電！真係討厭呀！


最後一夜在巴塞！
勁唔捨得…好唔想走！
因為晏晝食得太飽晚餐都食唔落了！
在酒店食埋啲生果同乳酪…
再準備執行李！
由於聽日搭下午機去倫敦！
明早HusB已安排好check out後拖埋行李讓我有足夠時間去買野同早點去機場退稅啦！

今晚繼續BARÇA TV！
睇Messi…睇Suarez…


真係好中意巴塞隆拿呀！
哩度真係好舒服…
人比教熱情啲一點都唔冷漠…
同埋感覺哩度其實都唔係想像中咁唔安全既…

英西之旅 - 巴塞篇 DAY 5

今日行程︰凱旋門 > 城堡公園 > 舊城區 > 格拉西亞大道

仲有兩日半時間留在巴塞…
我地決定左優閒遊！
所以都唔去郊邊地方…
任由自己訓到幾多點起身之後落街食早餐！
再優閒地周圍走…好自由自在！

首先今日第一站去左凱旋門！
藍天白雲真好！
心情都開心啲…

穿過哩度門沿住直路行會去到城堡公園！

其中又有街頭表演者！
不過並非將自己裝扮而係為小朋友帶來歡樂既吹波波玩意！


其實城堡公園沒什麼特別！

哩個水池係其中一個景點了…
水池上有一家五口既水鴨在暢泳！
好可愛！

於是我地繼續行下行下…
會見到動物園！

當然我地無入去參觀睇動物啦！
沿途上見到光秃秃既樹…
真係好似哈咾喂啲鬼樹呢！


繼續行下行下在火車站附近見到有人拍戲！
不過我梗係唔識佢地啦…


之後行返去海邊就見到哩個建築物！
就係郵局喇！可以去寄名信片了！

其實周街都會見到郵筒！
但我唔敢亂把名信片放入去係因為…
只怪自己心急沒有刨下BLOG就去買郵票！
在聖家堂地鐵站內有一間商店！
門外仲有個紅色小郵筒…
上面寫住店內有郵票賣及可在此投寄！
於是心急既我就上當了…
買了假郵票！
所以如果要寄名信片回家時去郵局或賣香煙既官方認可店買郵票就萬無一失！

在酒店越看越唔對路！
才在網上找到答案…於是唯有在香煙店買！
剛好經過郵局問埋職員確認無問題我就寄名信片喇！
感覺安心好多…

之後我地行返去舊城區…

去返昨日食午餐既餐廳食lunch！
然後慢慢行去蘭布拉大道！
去看看高弟既桂爾宫！

我地冇入去參觀…


哩個係臘像館！
當然都係冇入去既！

然後行去格拉西亞大道行街睇手袋…
因為安排左明日先購物…
沒有帶大量錢出街…
不竟話晒西班牙治安差…都係小心好！
所以今日行去睇手袋款聽日先買！
不過今日哩條大道勁多人！
名店內充斥遊客！
特別係chanel & LV！
太可怕了！

睇好晒款同Rubi來個電話溝道下！
準備明日去血拼！

Campeón Barça

終於都有時間去睇返場戲了！

復仇者聯盟2上左畫咁耐…

星期日終於去左時代UA睇喇！

之後行左陣街就返娘家晚飯！

SOGO 既thankful week 真係人山人海！

所以還是離開好了！

好少可在哩個時候唔出手…真忍得！

今晚巴塞作客對馬體會！

同時巴塞贏左就提早攞西甲聯賽冠軍！

趁住今晚真係眼仔碌碌無睡意…

就在電視前支持下啦！

Yeah！Barça Barça❤️

睇到64'先至由MESSI入波…

最後1:0贏左！太好了…

好強呀！GO GO GOAL…

拎埋個歐聯返黎…呀！