新春團拜

今晚相約好友們來我家做團拜！

晚餐在灣仔大王東街新開既餐廳《相惜》！

食物質素不錯⋯

有點喜出望外呢！

之後當然就係今晚既重頭戲！

萬聚期待既盲公骰大賽⋯

太好玩了！

農曆新年 -恭喜發財

恭喜發財！

祝身體健康！萬事如意！財源廣進！

一連四日新年假開始了！

這四日既節目是拜年⋯拜年⋯同拜年！

大年初一

今日回HusB家拜早年及食齋！

姪仔們收到我為他們準備既batman利是簡直開心到不得了！

哥哥仲放低手上既所有玩具欣賞封利是大概15分鐘！

不斷展露發自內心既喜悅笑容！

其實我都覺得非常開心！

之後回家休息一會再出發到香港仔！

晚上是Daddy家族大團拜！

年初二

兩親家一起到The One煌府飲茶！

兩個小朋友太可愛了⋯

逗得Daddy Mami & Rubi 都好開心！

之後跟家人一起在海港城行陣街再到姨媽家！

今晚輪到Mami家族大團拜！

HusB 先去朋友家拜年然後直接來酒樓！

期間又是新年賭局既時間！

年初三

今日去睇衝上雲霄！

不作評論⋯

只能說不好看但勝在有靚景吧！

還是第一輯最好看呢！

晚上去新蒲崗！

今晚到奶奶家族大團拜⋯

年初四

本來相約了Rubi一起去拜年！

但其實她從北海道回來一直感冒未清⋯

昨晚還又屙又嘔！

所以唔預她了！

冇見Bell & 旦旦半年！又大個女好多⋯

跟女孩子玩真係不太需用氣力⋯

舒服得多！又可以傾計又文靜啲！

不過依家啲細路真係人細鬼大！

剛滿五歲既Bell自從前年當我花女後！

愛上了同芭比玩結婚遊戲！

細細個就懂得Yes I do⋯

點解咁早熟架？

明日要開工喇！

所以都唔逗留太耐了⋯

回家好好休息！

準備開工！

一連四日既假期就這樣完結！

年三十 (下)

在錦繡跟家人食完團年飯約十時左右搭返車返娘家迎新歲！

由細到大一家人總是聚在一起迎接新一年來臨！
跟Daddy Mami拜個早年後接過他們的壓歲錢…
待明早去爺爺嫲嫲家團拜及食齋！
但嫲嫲年紀大了改左晚上食飯團拜後…
屋企就有了踏入新年零時接過壓歲錢後享用農曆新年的第一餐 - 齋！
咁樣明早起來大魚大肉也沒所謂嘛！

如是者…大約十一點半到達娘家！
大家一起迎接羊年！
10…9…8…7…6…5…4…3…2…1…恭喜發財！
恭祝大家羊年身體健康！心想事成！萬事如意！

食過羊年第一餐！

明日開始一連四天既團拜活動開始喇！

年三十（上）

年三十只有半日市⋯

今日可以十二點半收爐喇！

相約左HusB & Rubi一起食Lunch！

上左Soho食西餐⋯

一間間唔中都會光顧既餐廳Cenacolo Steak and Pasta！

三人也是點了相同既主菜！

 可能今日爆場既關係⋯

水準下降左少少！

食飽飽就回家等待HusB放工一起去錦繡食團年飯！

途中又走左落樓去Circle K買賀年禮品！

經過多次Lucky Draw都未能中獎⋯

真係心灰意冷！

點知竟然俾我標返個尾會⋯

中左揮春呀！開心死我了！

太可愛了

團年飯

不到三日就過年了！

時間過得好快⋯又要準備封利是！

又要大掃除⋯

遇著潮濕天氣真係好唔舒服！

放工後等埋HusB一起回娘家食團年飯！

哩晚舅父舅母也來了！

咁高興就緊係開返枝威士忌飲下⋯

早前去北海道時買回來的''響-17年''今晚可以一試了！

近來興起了日本威士忌！

21年攞左獎後更加一酒難求⋯

Rubi也說很難找！見到17年都照買！

哩晚過得好開心！

辛苦晒Daddy煮了一餐咁豐富既晚餐呢！

我還有手信拿回家！

愛心羅白糕

最愛

自家製利是封

兩個姪仔已經不再喜歡巴斯同胡迪了⋯

佢地最近迷上了蝙蝠俠⋯

這個多月一直在尋找Batman利是封！

可惜市面上真係未見有此產品⋯

怎麼辦？

為了令小朋友開心⋯

早就計劃親手整幾個Batman利是封！

由於太忙既關係⋯

唯有用最簡單既方便去整啦！

也不錯吧！

玫瑰鍋

身邊朋友們都說玫瑰鍋很好用⋯

搞到我都心思思想要買返一個黎試下！

既然自己失驚無神就會想搞屎棍！

剛好在遇著Facebook玫瑰鍋專頁有現貨！

而且也在家附近地鐵站交收！太方便了⋯

如是者造就了我敗返個回家試試！

又有新玩具玩了！

希望可以學懂煮多幾味菜式啦⋯

自家煮 - 日式旦包咖哩飯 + 焦糖布丁

早兩日突然間想搞搞新意思⋯

於是今晚邀請左Rubi來我家搞屎棍⋯

又可以挑戰啲新野喇！

以往食日式咖哩飯只會買即食咖哩包⋯

只要叮熱啲咖哩汁就完成⋯好方便又快捷！

今次決定用咖哩磚試下！

材料：

薯仔兩個

甘荀一條

洋蔥一個

雞脾肉 

水 800ml

咖哩磚

首先將薯仔及甘荀切細件⋯洋蔥切條！

爆香洋蔥加入雞件（其實用其他肉類或者唔加都得）炒兩炒再加入薯仔及甘荀再兜兩兜！

然後加水煮滾後加入咖哩磚慢火煮！完成⋯

明明就咁撈飯食已經好好味⋯但

總是要搞下花臣！

就係整旦包飯！

先將飯炒底⋯再整旦皮包住！完成！

賣相一流呀！好似Coco壹番屋咁呀！

追加甜品：焦糖布丁

由於試整既關係⋯比緊粗糙唔細緻！

但味道又真係不錯呢！

今日真係好滿足呀！

トトロ

我係一個好日都唔開信箱既人⋯

今晚完成晚餐後沒有跟HusB一起去做GYM！

但竟然叫他回來時幫忙開信箱收信！

誰不知竟然有トトロ出現呀

開心死了！

是Rubi在北海道阿寒湖時寄給我的明信片！

好靚好中意呀！

期待與你一起的日本之旅！

恨到發燒

自家煮

今晚整左個輕形晚餐⋯

可算是一個早餐

分別有熱香餅⋯仲有玉子燒！

最後仲煮埋翠玉瓜！

有啲蔬菜感覺健康啲嘛！

完全諗唔到翠玉瓜點煮好⋯

是但地將它切片落鑊煎！

加點蒜鹽加點黑胡椒竟然有驚喜喎！

好好味呀！

蟹

對屋企人帶給我既北海道手信真係勁回味！

剛好康怡廣場新開左間酒家加上又做阿拉斯加蟹優惠！

大家都心思思想要試下！

如是者就去光顧一下啦⋯

主角出場

嘩⋯好味！

老實說係好抵食約$1000有2kg重！

肉質不錯好實淨⋯

當然就不及日本新鮮運到咁鮮甜啦⋯

以這價錢來說係抵食而係唔錯架！

二月之星 @ 金蘭花泰國私房菜

又到二月之星既慶生飯局！

這次揀左一間泰國私房菜⋯

因為會有一個令壽星女哭笑不得既特別節目！

星期日下午灣仔人流較少⋯

餐廳只有兩枱客！

這次點了兩客生蝦⋯併盤⋯冬陰功⋯青咖哩雞⋯

仲有串燒⋯炒金邊粉⋯菠蘿炒飯！

當然唔少得為壽星女安排既生日芒果糯米飯！

食飽飽⋯店員清理好枱面後⋯

我地繼續雞啄不斷！

突然店員開咪唱泰文版及英文生日歌再遞上生日芒果糯米飯！

好搞笑真係好愉快⋯

令大家哭笑不得之餘壽星女更感動眼濕濕呢！

相信這個環節令她非常難忘呀！

Tea @ Hello Kitty Secret Garden

今日去左Hello Kitty Cafe 食 tea…

一直都好想去試下！

但又唔知道多唔多人…

要唔要排隊！

於是放工後一於走去看看！

已經被外表吸引住我了…

店很小…坐位不多！

點了兩件甜品及咖啡！

分別係藍梅芝士撻及芒果撻…

Rose Latte及Mocha！

有Hello Kitty架！

勁靚勁中意呀…

Rose latte 好重玫瑰味道！好味！

之後匯合Rubi一起回娘家！

跟Daddy & Mami 在越棧晚飯再去太古城行左一陣就回家！

今晚在娘家宿一宵分享他們在北海道既開心旅程！

我都好想去呀

宵夜

等到頸都長了…

Daddy & Mami & Rubi 今晚終於都回來了！

結束了七日六夜北海道之旅…

20:45到着就收到Rubi既電話了

佢地買了我最愛的東西回來…

令我好心急想要回家即時分享！

事實佢地返到去都夜而且明日仲要返工…

都唔知點算好！

最終HusB見我坐立不安就帶我返娘家等佢地返來啦！

約22:15左右佢地終於都返到屋企喇！

雖然每晚都有FaceTime…

不過極掛住佢地呀！

佢地仲買左勁多手信俾我…

今晚最重要分享就係哩樣野…

咁新鮮既美食緊係要即時解決啦！

Daddy Mami知我喜歡而我又冇份去…

早就決定要帶回來給我了！

當然Rubi也不忘掃了一大堆靚衫同零食俾我啦！

雖然我冇份去但我有咁多手信實在最幸福了

完成重要既事情後一定要去日本玩過痛快！