自家煮 - 黑椒雞扒 & 洋蔥磨菇意粉

今晚又來煮飯仔！

放左工去街市買材料…

可能因為Lunch Time淨係食左麥皮…

下晝開始肚餓…

令我係咁諗今晚食乜好！

要唔好咁多功夫既…

如是者我買左醃製好既黑椒雞扒…

因為就咁煎熟就食得！夠方便…

另外仲買左秋葵同洋蔥…

洋蔥磨菇汁

因為實在太少煮飯用剩既洋蔥會浪費…

所以用左一個洋蔥去煮！

洋蔥 1個

磨菇 1罐 （我用在完粒一開二）

調味汁：蠔油、糖、水、雞粉、黑椒碎

首先落洋蔥炒一炒再落埋磨菇然後落埋調味汁滾一滾！

直至洋蔥開始熟透就加少少生粉水令質地傑身啲就完成架喇！

不過我就未落生粉水之前…

先將煮好左既意粉倒落洋蔥磨菇汁兜一兜炒兩炒…

再夾返起啲意粉先埋汁！

簡單既一餐！

有HusB既大讚美令我好開呀！

自家煮 - 生菜魚肉+雲吞

今日想食得輕營啲…

於是想起了生菜魚肉…

哩個咁易既菜色！

今次用左媽咪教我既方法去撻魚肉！

咩調味料都唔駛落！

首先浸淋啲蝦米切碎加埋蔥粒落鯪魚肉…

渣兩渣又撻撻撻…起膠就可以喇！

洗完生菜切細件！

由於太單調所以加埋雲吞！

好健康咁啵！

正…

Happy Gathering @ Espuma

今日相約了一班好友一起食晏！

揀左屋企附近間西班牙菜享用午餐…

哩度既好處就係冇限時…

唔會分Lunch section & Dinner section！

所以我地食飽都唔駛轉場！

五個女生叫左三個小食…燴飯同Pizza都已經食飽喇！

之後再叫埋飲品同窩夫！

個窩夫好好味呀！

食埋甜品後由於都想繼續坐繼續吹水…

於是再叫小食…

好熱氣呀！

大家開開心心食飽飽吹完水就分手喇！

跟Rubi一起搭車去錦繡…

兩個姪仔返來喇…

今晚可以玩返夠本了。

粟子蛋糕

早前公司舉辦了蛋糕班！

緊係第一時間報名參加啦！

今次整既蛋糕係粟子蛋糕…

啲栗子蓉好好味呀！仲好滑…

返到去同HusB一起切蛋糕！

連唔喜歡食栗子蛋糕既HusB都讚好味呀！

◝(๑⃙⃘′ᗨ˂̶๑⃙⃘)◞♡ 

父親節獻禮

早前因為寫返晒啲遊記都唔得閒記錄其他野！

就講返下父親節既時候…

今年既父親節我地選擇唔出街食…

係有原因架！

因為Daddy間唔時都不自覺地講起話我地兩姊妹都未煮過餐飯佢地食！

因此今年就為Daddy下廚！

今次我會煮一啲自己曾經煮過既野！

起碼有經驗一次…

失手機會會減少嘛！

父親節菜色有上海粗炒…糖醋排骨…

另一樣係新挑戰！就係梅子豬手！

好有上海菜感覺呀…

一早起身就去街市買新鮮豬手…

第一次處理有少少感到核突！

Daddy & Mami 都有讚我呀！

第一次算係唔錯…味道很好！

簡直令我開心到不得了呀…

Golden Mickey Show @ HK Disneyland

陪伴大家十年既The Golden Mickey Show要落幕了！

所以安排左今日入Disneyland欣賞！

放工後去接HusB放工再等埋Rubi 一起出發！

在香港站出發真係話咁快就到！

然後就去票務站拎手帶睇今晚7:15既Golden Mickey Show！

今日天氣熱既程度尚算可接受…

第一站我地去左排隊畫Olaf 小白！

之後就去睇Show！

哩場只招待會員⋯

而且還會送上一份紀念品！

裡面有個襟章及一疊postcards…

然後我地走左去反斗奇兵大本營玩沖天遙控車！
再去迷離大宅過冷河！
始終都係夏天⋯
晚上都一樣係咁熱！
最後當然沒有睇埋煙花先走啦～
出返Causeway Bay去板長食宵夜！

是日沒有戰利品！
不過收穫有ELSA Sticker！

好可愛呀！
TSUM TSUM人頭一個！

忙裡偷閒

今日可以優優閒閒地去拍拖行街喇！

行到攰攰地去左HABITU食下午茶！

玫瑰…玫瑰…好味呀！

英西之旅 - 倫敦篇 DAY 13

最後一日喇…
食完早餐我地又去左附近最大間既Tesco！
買我最喜歡既Twinings果茶包…
作最後沖刺！
但由於行李箱位置有限⋯已經唔可以多買野了！

之後又去左附近鎮仔行下…
老爺都作最後沖刺…
今日終於都買完成目標了…
早兩日買左對英製皮鞋！
今日買左對Boss既casual鞋…

然後分道揚鑣行…
行完回家晚飯後就出機場了…
早點去⋯做埋退稅！
回程返HK了！

經過11小時機程終於都落機！
Daddy在巴士站等我地…
Mami同Rubi在家等我地…
咁多日冇見太掛住佢地喇…
晚餐食泰國菜！

後記：
在巴塞既日子真係好開心！
係一個好舒服既地方⋯
而且物價的確是比其他歐洲地方為低！
加上歐元平⋯所以在哩度消費都比較平！
最開心莫過於可以去魯營球場大開眼界⋯
可以見識到歐洲最強既隊伍球技！
令我這個門外漢都深深吸引住⋯

仲有聖家堂⋯
外觀已經令人嘆為觀止⋯
內裡就更加不可思義！
好希望聖家堂完工後我可以再去欣賞！

I'll be back！

始終都係打唔成風…
今早照舊起身返工喇！
好在今日星期五…
返埋今日又有兩天假期…

今晚回娘家晚飯之後仲有節目！
就係一家人一起去睇返場戲！
<<未來戰士>>
真係一套經典！
老實說第一及二集我記憶很淺…
但偏偏對T-1000水銀機械人好深記憶…

T-800既笑容好搞笑！
州長老喇！

英西之旅 - 倫敦篇 DAY 12

進入旅程既尾聲…

我地最後都沒有安排享用英式下午茶！
也沒有到酋長球場參觀！
的確令我感到有點可惜…
因為未出發時我已鎖定要去文華high tea嘛！

今日我地去左附近Richmond行下…
真係好優悠自在…

如果日日都可以咁寫意就好了！


周圍行呀行呀…
藍天白雲加上綠悠悠既草地好舒服呀！


之後就出左去沿住泰晤士河河邊行！
由London Eye慢慢開始行…
行到去塔橋…


然後又返去唐人街食上海野！
食飽飽回家！
要執行李了…
明日搭夜機仲有半日去玩…

Family Day

哩排真係太忙了⋯

完全沒有時間去寫blog！

連早兩個月既英西遊記都未搞掂⋯

七月一日相約左家人一起去九如坊食晏！

又再來光顧Le Port Perfume！

餐牌有改變了！

雖然lunch set價錢沒有變動⋯

但份量的確比之前係細份了！

不過最重要都係個質量！

主菜中其實款款都唔錯⋯

不過喜歡牛牛既我⋯

當然最中意就係Grilled USDA Prime Ribeye！

甜品我最愛就係白雪雪既旦白旦糕加上杏仁片配上雲哩拿汁！

Menu上已經冇左哩款甜品！

幸好老板讓我order⋯

冇得食我會覺很好失望呀！

總括來說真係美味⋯

最重要大家都滿足嘛！

這是我最開心既事呢！

英西之旅 - 倫敦篇 DAY 11

今日去左Camden Town行街！
一個好多野買既市集！
有室內又有露天…
攤檔多達二百多個！
出左地鐵站沿路店舖既招牌設計真係好特喇…


去到跳蚤市場因天雨關係我地就走入室內看看…

其實真係有好多野睇而且有好多手工藝作品！
我在這裡敗左啲茶葉回來！


之後又行左去Horse Tunnel Market！


裡面啲野多數都係二手野！
要尋寶可能有機會揾到想要既野…
但我就沒多大興趣了！
是實哩度由六個跳蚤市場組成…
要逐個攤檔睇都要用唔少時間呢！


雨停了…
我地慢慢行返去地鐵站搭地鐵去Harrods行下！
最愛看買野食既地方！


然後去嘆杯咖啡再去Hyde Park行公園！

優悠自在真舒服！

不過天氣麻麻又落毛毛雨…
我地沿住湖邊行…
見到好多唔怕人既松鼠仔！

好得意呀…
行行下太陽又出返黎喇…

即刻精神返好多！

然後搭返巴士去Leicester Square！
今晚在Napoleons Casino & Restaurant晚餐！
可以睇埋歐聯四強 - 巴塞對拜仁！
太開心了…巴塞贏波！

仲有兩日就離開倫敦返香港…
但係仲有好多野未做…
我仲未食afternoon tea…
未去Arsenal參觀…
上次我地錯過了stadium tour time只可在球場外影相咋…
仲未想結束假期呢…

英西之旅 - 倫敦篇 DAY 10

今日好早就要起身⋯

因為參加左local tour去Salisbury睇教堂〉Stonehenge睇大石羣〉Bath市內觀光！
其實Bath同Stonehenge早在上次來London已經想去⋯
估唔到依家先實行！

8:30a.m.在Victoria Station附近既Golden Tour Visitor Centre集合！
然後登上旅遊巴開始今日既行程！
之前都有上網Search過去Bath既火車⋯自己去⋯
但係計落同跟Local Tour差唔多！
索性唔駛煩⋯
決定跟團算⋯乾手淨腳！

旅遊巴好舒服又新又有WI-FI！
長時間可以處於在線狀態！
第一站來到Salisbury⋯
今日天氣好古怪⋯
一時有太陽一時又陰天突然又落雨而且仲有無定向既大風！
見到陽光認為可以不著羽絨落車參觀～
原來係唔得架⋯
啲風吹埋來都相當涼！
而且強度可以吹走我⋯
逆風時向前行有點難⋯
順風時簡直助我一把行得好快！

Salisbury Cathedral有近800年既歷史！

教堂可以話係英國早期建築既代表作品！
尖頂仲高達123米係英國最高既塔尖教堂⋯
外觀的確好宏偉好靚！


由於車程較長所以沒有安排到餐廳午餐⋯
只會在車上享用Lunch Box！
而且我地報團時都選擇了without Lunch！
所以homemade sandwiches成為我地既午餐！

第二站來到Stonehenge！

天氣變差了⋯天陰了而且還下著毛毛細雨！
因為太空廣所以好大風又好凍！

原來石羣就是這樣了！
可以話沒什麼特別…
我地兜左個圈…
太大風吹到頭都赤就折返！
去精品店睇下野及買返杯熱飲暖一暖胃！

最後一站就係去Bath了！
我地選擇唔入去羅馬浴池係因為我地想在哩個城市周圍行下！
其實黎到哩個古城係應該去羅馬浴池參觀既！

一個這裡最著名景點！

左邊是Bath Abbey…
哩度真係好舒服好靚！

完完全全同倫敦好唔同！好古老！

的確太短時間了！
好想待在這裡耐一點！
享受一下咁舒服既環境！
Local Tour美中不足就係哩一點喇！
之後我地回程了！

今日真係夠充實！
去左幾個地方參觀～
有機會真係要再去Bath！