追風台南遊 - DAY 4

DAY 4

黎到旅程既最後一日了～
鳳凰打到來…
雖然雨水不算特別多但風就真係好大了…

有航機取消及延誤…
我們都係預左會有延誤～
今日好多店舖都沒有開…

退房後司機KELVIN帶左我地去食豬手！
坐大概七十分鐘車程…
其間橫風橫雨的確都幾擔心！
明明想在車上打醒十二分精神…
卻又不知不覺睡著了！
KELVIN帶我地來到食店還幫我地點了菜～
哩餐真係好豐富呀！
豬手也是非常好吃～
大家也買來豬手帶回港呢～但我沒有咁做！
雖然好惹味～
但係我覺得佢既精髓除左隻豬手外個醬汁係好好味！
不過外賣係唔會跟醬汁…所以放棄！
然後繼續車程出返高雄…

在7-11再換來兩個HELLO KITTY保溫杯！
好開心呀！
之後再去夢時代兜個圈…
俾我買到最愛既糖村了！

跟住就出發去機場～
最後等待…等待…等待…回家去！
整個旅程其實都幾開心幾好玩～
遇上了史上首次由台南吹到去台北既台風！
的確很多野都玩唔到又遊覽唔到…
不過玩左兩樣之前都冇玩過既玩意～
都好滿足了～

追風台南遊 - DAY 3

DAY 3

今日我地來到夏都沙灘酒店享用早餐～
係海角七號取景既沙灘酒店…


不過我全完不知道這套電影是什麼！哈哈～
這個沒關係～我只係覺得事實間酒店係幾好！
而且好多設施！
雖然沒有入住～但在這裡吃了一餐豐富既早餐！
雨水時大時細有時也會放晴～
放晴時當然要去私人沙灘行下…

的確環境很好呀！
不過浪很大…是台風既關係吧！
來到墾丁遇上台風冇得玩水…
真係唔知有咩可以做…
所以就租電動車玩！
沒有電單車牌照都可以渣～

租兩小時都只係TWD300…
烈火戰車呀～哈哈！
在附近四圍兜兜風…下著毛毛細雨都幾過引！
玩完兩小時既電動車～

下午天氣也轉壞了…
全身濕透又返回房梳洗！
之後去魚市場食海鮮食魚生～
再去睇浪～

然後又返酒店休息再去墾丁大街買手信同掃街！
再去便利店買酒水～準備今晚既生日會！
在7-11有得換HELLO KITTY保溫杯！
當然唔會放過哩個機會～換左兩隻！好開心呀～

心動想換多幾隻！

追風台南遊 - DAY 2

DAY 2

我地哩個台南之旅簡直係優悠之旅…
唔會出現趕既情況！
今日我地相約左司機十一點出發去墾丁～
但因塞車既關係…
遲了大半小時才出發～

第一站司機KELVIN帶左我地去食滷肉飯！

味道都唔錯呀！
然後就出發去墾丁～
途中我地會去玩沙灘車！
不過哩段路程令到我暈晒車浪…面都青晒！
山路九曲十三湾…
台風鳳凰慢慢地迫近台灣…
下午既天氣開始變壞～還下著雨呢…
相信哩兩日都係風雨下渡過了！
到達車場…我地決定兩個人一架車～
在風雨下奔馳～

真係勁好玩～TWD1200約15分鐘！抵玩呀！
之前在澳洲也想玩…但要有駕駛執照！
我冇牌冇得玩！而且大約港幣千元左右…
原來下著雨玩係好刺激！
近尾聲時跟HusB調換位置～由我來操作！好玩好玩！

之後又繼續車程往墾丁民宿進發～
哩兩日我地會住在艾比莎渡假旅店～

很方便既民宿…約三分鐘就去到墾丁大街！
我地住在海景房～

台風來了可以唔駛淋雨睇浪～
休息一會又去食晚飯～
再去墾丁大行逛逛～
幸好…晚上沒有下雨…遊客很多很熱鬧呀！
在便利店買來了啤酒小食在旅店門外飲野吹水～
台風慢慢接近…
明日既活動也全部取消了…

追風台南遊 - DAY 1

DAY 1

今次一行八人浩浩盪盪出發去高雄+墾丁四日三夜之旅！
乘搭早上十時十分飛機…
由於不願早起既關係…
於是選擇乘搭A11前往機場！


香港天朗氣清…期待台湾也是相同既天氣！
比原定集合時間早到了15分鐘～
等齊人到櫃台CHECK-IN後去左美心食早餐…
個多小時既機程就到達了！
在機場立即買了兩張上網卡…
讓大家可以在這四天內保持在線上！
然後就回民宿放下行李繼續行程～
哩晚我地會入住85大樓！
民宿距離捷運站很近都幾方便！

不過哩日既天氣很不爽…很熱呀！
短短既距離都會流汗…
入到房間不得不開行冷氣吹一吹…
放下行李休息一會就出發去第一個景點！

搭渡輪到旗津食午飯！但已經是下午三點左右了…
我地是但揀左間坐低食海鮮…
當然唔少得要買我最愛既苦瓜甘筍汁！解渴呀！
食飽飽到附近行下周圍看看～

黃昏時間終於都冇咁熱了！

之後我地又出發去夜市掃街～
腸胃出名差既我都不敢亂吃！
加上今日肚子狀況也欠佳…
的確係好多野食…可能係剛才食飽左既關係…
食慾不太強！
逐行逐行去睇下有咩好野食…
人多真係好可以試更多唔同既野食！
然後又回民宿休息…
約八點半又出發去睇下附近有咩野食～
HusB跟我一樣對夜市沒太大興趣…
他想食牛肉面！
又是是但但揀間店坐低食野…
原來去到台湾只係食同埋食同埋食…
相信我哩幾日既體重會節節上升！