2016年3月25日 星期五

紐西蘭南島之旅 Day 14

今日搭早機飛悉尼!
所以昨晚已跟Motel職員安排的士去機場啦⋯
終於都要離開紐西蘭喇⋯
今日係復活節假期的第一日!
好多店舖都唔會營業呢⋯
這次我地在悉尼逗留五小時才回港!
所以又入境消費下先⋯
其實交通費真係幾貴!
Welcome to Sydney!
有隻Easter Bunny迎接我地呀!

今次我地去左Harbour Bridge個邊⋯
因為假期有隻大遊輪到訪!碼頭擠滿晒遊客!

行下行下就去左The Rocks!岩石區⋯
今日就冇市集所以好冷清!

冇乜人!只有部份餐廳有營業!

而我揀得去The Rocks目的就好明確!
就係去Pancakes on the rocks食午餐啦⋯
明明剛才在飛機先食完野!
依家又食喇!不過今次唔叫Ribs喇!
因為兩條友食唔晒⋯

然後又在街上漫遊⋯
行下行下又到Hyde Park!
因為冇得shopping⋯遊客都在遊公園呢!

不過今日天氣真係麻麻有點雨!
既然都冇乜野好行⋯
我地又回程返機場喇!
逗留短短兩個多小時又走喇⋯
今次真係要返屋企喇!
要結束約半個月的紐西蘭南島之旅及快閃悉尼遊!

2016年3月24日 星期四

紐西蘭南島之旅 Day 13

來到旅程既最後一日了!
今日一整日都在基督城⋯
天陰陰又落左陣雨!
我地先渣車去Hagley Park行下⋯

晨早的空氣真係好清新呀!
公園內都有幾多野睇架⋯
溫室花園!

熱帶雨林

威尼斯貢多拉?

行下行下仲落大雨添⋯
個公園都好大⋯有點迷失方向!
途中經過了Canterbury Museum & Christ's College!

真係通街都係工程呀!
圍晒欄不准進入!

然後我地就去還車喇!
好在還車後天氣開始好轉!
亦開始出陽光呢⋯
沿途都有唔少景點⋯

Avon River



哩間餐廳外型本身係⋯左手邊餐廳招牌咁⋯
唔知幾時先可以重修呢?

見到個花園⋯都感到有返啲色彩!
希望基督城早點復甦起來⋯

觀光電車可以載你環遊主要景點呢!


之後仲去左貨櫃商場喇!RE:START
今日多返好多遊人喇!
然後我地又走到超級市場買餸⋯
又再開始落大雨了!
由於已經還左車⋯
所以今次我地係搭Metro Bus返Motel!
哩度係一個大站黎既!
有好多條巴士線!

返到Motel玩完煮飯仔又係時候執行李!
明早我地要離開紐西蘭喇!
真係有啲唔夠喉⋯
因為哩度真係好舒服!
雖然會係有點悶⋯
但係真係覺得好Relax!
啲景真係好靚⋯啲湖又多又靚⋯
望住都覺得好寫意!

2016年3月23日 星期三

紐西蘭南島之旅 Day 12

始終唔可以開窗訓的確空氣唔太流通!
所以HusB可能訓得唔太好…
早就起來睇日出?

今日密雲!天色比較陰暗…
我地今日既行程就係返回起點…基督城!
由於基督城我地會留兩日…
所以唔急於出發!
因此我地再去多轉善良牧羊人教堂!
哩個境點無論任何時間都咁多遊客呀…
我地入左教堂內參觀!裡面係唔俾影架…
之後就開始旅程喇…
我地加插左啲途經既鎮仔參觀!
首站黎到Temuka…
泊好架車就是但求其咁四圍行!
哩度冇乜特別…
行下行下去左New World Supermarket!
又走左入去買左啲朱古力返來啦!

第二站黎到Ashburton
一個比較大既鎮仔!
我地仲响度食左份豐富既All Day Breakfast!
一份早餐兩個人食!
分量好足夠!份多士仲好好食!有芝士!

之後又出發前往基督城喇!
天氣開始轉差!天色較暗而且仲有幾陣雨…
2010-2011年基督城經歷左大地震後…
哩度真係好似一個死城咁!
重建事宜真係龜速一樣咁慢…
已經五年多了!周圍都是工程!
而且危樓仍然仲有好多未被清除!
街上人影都寥寥可數…感覺好灰暗!

我地到處走走看看!
有好多塗鴉⋯看起來增加一點生氣!

地震震毀了百年歷史既大教堂⋯
為了提供當地民眾禱告去處及心靈寄託⋯
政府請來了日本紙板建築大師設計了這座紙教堂!
使用限期約五十年!
遠看反而更像一間圖書館呢⋯

之後我地去返Supermarket買材料今晚煮飯仔!
繼續食羊!仲買來了新鮮粟米!

好甜好大粒好好味呀!
煲埋粟米水清清熱呢!
時間過得好快!
玩埋聽日就要返香港了!

2016年3月22日 星期二

紐西蘭南島之旅 Day 11

昨晚係咁多日以來訓得最唔好既一晚!
唔知係咪我對特色戶有抗拒感!
整晚都訓得唔好…
因為冇開窗好焗…
空氣唔多流通搞到好似缺氧咁…
最後唔係好頂得順!
要開少少窗…得條線咁闊!
終於可以入睡喇…
之但係訓到咁上下又想去廁所…
我唔敢出去…唯有死忍直至天光!
哩晚真係覺得好漫長呀!
終於都捱到天光可以起身喇!

既然天都光左喇!咁就出去去廁所啦…
點知打開廁所門…
嚇到我死咁濟…
差啲連尿都瀨埋出黎!
整個廁所佈滿晒飛蟲…
救命呀!
但再唔去廁所我真係中尿毒架喇!
立即叫HusB開車車我去公共廁所…
事情得以解決!

我地返返去睇下特色戶既情況!
HusB手持殺蟲水入去同班飛蟲死過!
屍橫遍野…
密集到好似地毯咁!
其實早上第一眼所見既係唔只咁少!
而且係牆壁…天花…連廁所板都佈滿晒架!

所以奉勸大家!
千其唔好開窗亦唔好開燈…
不過其實哩個廁所我地冇開到窗架…
只係開左燈方便夜晚去廁所架咋…
全因為個門隙太闊…啲飛蟲就飛晒入去啦!
見到都嘔心!
而我地用左9秒9最快既速度收拾行李去reception轉房!
轉返去Motel人都開心啲!
我今晚焗死都唔會開窗架喇!

今日我地會去Mt Cook參加冰河探險!
又可以再經過Lake Pukaki!
早上看湖水在沒有陽光下又唔同左顏色喇…
可以看到Mt Cook雪山呀!
一路沿住湖邊走…雪山亦越來越近呀!

住Mt Cook既好處就是可以望住雪山!
不過哩邊既酒店就貴啲喇!
Edmund Hillary在可證明既紀錄中最早登上珠穆朗瑪峰峰頂既人!佢係紐西蘭人黎架!

我地參加左12:30既冰河之旅!
先在酒店門口集合再坐巴士然後再行約20分鐘既山路就會到達塔斯曼冰河湖喇!
山路好易行…
硬係覺得我眼前看到既景都係一幅畫!
終於行到去冰湖!
好想快啲近距離觀賞呀…
導遊會分配每人一件救生衣!
而且也會為我地安排坐位…
我地架船連同導遊共十一人!

導遊會先叫團友們伸隻手落水感受一下哩譚冰水既冷!
啲冰湖水係灰白色!
主要係因為石灰石遭受到冰河底層流動時刮下刮下…
刮成石灰石粉造成呢!

開船喇!會見到一舊舊既浮冰!
導遊除手就執左舊晶瑩剔透既浮冰上來!
真係好似一舊水晶…好通透!

哩一座既冰山露出水面既部份只係佔冰山既十分一!
淨低既90%响水底!冰山真係可以好大座架!
所以導遊都唔會特別駛近去…而且都會好小心…

哩啲巨型浮冰會不停咁轉動!
相信每日都有唔同既型態呢…

哩次既冰河探險真係獲益良多呀!
塔斯曼冰湖其實在1973年先被發現…
當時只係一潭水洼…因為冰河終端不斷地自然退縮…
每年都擴大啲再擴大啲…
只係短短40年左右就變左個咁大既冰湖喇!
冰川終端面就係哩度喇!
其實積雪區既降雪需要大約300-600年既時間沿住冰川移動…最終進入內流湖!
所以响哩個冰湖見到既冰山係來至300多年前既積雪!
即係眼前既冰川終端面成300幾歲架喇!

完成冰河探險後我地沒有特別去健行!
渣返出沿住Lake Pukaki返去Tekapo!
下午時分更加可以看到Lake Pukaki獨特既藍色湖水!
望住個湖真係好舒服好靚!

當仲諗緊一陣食咩午餐既時候…
我既三文魚癮又發作了!
剛好HusB見到一個地方泊左好多車同有遊客既地方!
看看路牌Mt Cook Alpine Salmon
係咪有三文魚賣呀?
嘩…如願以償呀!
NZD30有500g
勁抵食!真係食到你驚呀…
哩個午餐真係好好味!仲要質素好!
不過哩度就有附送wasabi同豉油!要NZD 0.30一包架!
我個肚子感到非常滿足!
然後繼續車程…
返去Motel休息一會!
之後行去今晚晚飯既地方…

黎到哩度必食既日本餐廳Kohan!
因為訂左枱直接入餐廳不用等位…
天婦羅便當
湖畔便當
賣相好靚當然味道都唔錯啦!

享用完一頓美味既晚餐後就散步回Motel!
月亮要出來了!

黎到旅程既尾聲了!時間真係過得好快…
仲有三日就要返香港喇…
哩度俾我既感覺真係好Relax…
入夜後經過昨晚既可怕事件我唔敢開窗訓了!

2016年3月21日 星期一

紐西蘭南島之旅 Day 10

時間過得真係快…
黎到第十日既旅程了!
今日我地既目的地係Tekapo!

行程:Dunedin > Moeraki > Otematata > Tekapo
又係長途車程要四個多小時!
所以check-out後就立即起程喇!
沿住東邊海岸線走會去到Moeraki!
哩度有咩睇?有咩特別?
係草泥馬呀!
哩個唔係景點…只係景點既停車場見到架咋!
佢行得我咁近冇理由唔同佢影張相架嘛!
用口水噴我就弊喇!
哩度有間Cafe仲有個好靚既沙灘!
重點唔响哩度!要行前啲就見到喇…
就係哩圓碌碌既石頭喇!

好多菠蘿包呀!真係好得意呀…
我沒有深入研究佢地點樣形成…
不過佢地唔係一舊石!
因為有部份已經列開左散晒!
看似一啲泥同埋沙既結合!

離開左啲菠蘿包…又要繼續上路喇!
經過一個鎮仔Kurow…
HusB提意坐低飲杯咖啡提提神…
自駕遊好處就係想停下來就停下來!
悠哉悠哉既生活真係好呀!
最重要係可以忘卻工作上既忙碌同壓力…

繼續行程前往High Country Salmon…
今日好期待既地方!
因為可以食三文魚嘛!
哩度有養殖場…
而且仲可以免費提供魚糧俾遊客餵魚呢!
撒出魚糧…啲魚即刻好踴躍咁衝去食呀…
玩完之後就緊係要買返盒新鮮三文魚刺身食啦…
NZD30有400g
睇見都流晒口水呀!
佢地雖然睇落唔肥美!但係好鮮美!
哩400g刺身就係我地既午餐…真係好飽!

仲有差不多一小時車程先去到目的地…
南島真係勁多湖…
只要有段路程係圍住湖邊行就會感到Relax!
而哩段路程亦都會經過Lake Pukaki!
哩個湖對我來說都幾深刻…
原因?就係湖水顏色好特別…
唔知點形容…藍得黎又帶點奶白色…真係勁靚!

來到Tekapo…我們先去今晚住宿Lake Tekapo Motel & Holiday Park check-in!
因為Motel冇房…我地訂左Kiwi Bach…
我稱呼佢為特色戶…
因為間房有主題!
係一間釣魚主題既擺設裝飾既房間!
其實屋外既景係真係好掂架!
對住個湖!而哩個湖就係Lake Tekapo!
佢既湖水顏色跟剛才看到既Lake Pukaki都係一樣架!

之後我地就出發去Good Shepherd Church…
好特別既石教堂!

開始凋謝既魯冰花…
在附近行左一陣就去左supermarket 買材料!
就返特色戶喇!
哩間特色戶我唔係好中意!
個廁所係出面…
即係晚上要去廁所就要出門口先去到!
唔方便之餘…重點係我驚丫嘛!

特色戶對住一個小型遊樂場…
有搖搖板有遷秋!
望住個湖打遷秋淨係諗下都知幾咁正啦!
既然又未肚餓就緊係趁天未黑出去行下啦!
Holiday Park有條小路可以行出去市中心…
沿住小路行欣賞下風景!
行下行下就去左黎到哩度必食既日本餐廳!
即刻訂定位明晚黎享用晚餐啦!
唔訂位既話…就慢慢等啦…

太陽要落山喇!
我地都要返特色戶準備今晚晚餐同休息喇!
仲有就係去reception詢問一下明日有冇Motel出租!
幸好明日有一間Motel可供出租!
加錢都要轉屋呀!
我唔想連續兩天都住特色戶呀!

不得不提點大家!
即使幾焗都好…
千其千其唔好開窗訓!
記住一定要熄燈…
無論你怕唔怕黑都好!
唔係既話你必定嚇死兼後悔呀!