HONEYMOON － 澳洲之旅 DAY 8

7/5

在CAIRNS逗留了四天就要離開出發到TASMANIA⋯
這幾天真係過得好充實！
日日都有活動～日日都玩到累回酒店休息！
真係好精彩～

今日既活動就係搭飛機！
搭十點幾機先飛MELBOURNE再待四個多小時飛HOBART～
執好晒行李就搭的士去機場了～
明顯地在CAIRNS搭的士比SYDNEY平啲架喎！
市中心到機場都係AUD20-25！

吸收了上次OVERLOAD既經驗～
今次知道了應該點樣去處理啲行李了～
哩兩程機我地都決定唔加大行李磅數！
留返LAUNCESTON返SYDNEY先加錢買！
搭三個多小時到MELBOURNE～
由於時間不足外出⋯所以都係在機場內食LUNCH！
NANDO'S CHICKEN 超好吃呀！

然後在機場行行企企遊蕩～
其實MELBOURNE 機場真係唔錯～
INTERNATIONAL AIRPORT同DOMESTIC AIRPORT只係行過去就可以了！
唔似得SYDNEY⋯要搭BUS ／ TRAIN先去到！仲要俾錢搭一個站都唔平喎！

搭六點幾機飛HOBART！個多小時機程就到了！
好快～天氣都係只得5度！好寒冷呀！
落機個刻～唔知係咪情緒高漲中～唔係覺得好凍！
WELCOME TO HOBART
拎好行李就去AVIS CAR RENTAL COUNTER去搞租車既事宜！
我地租既車款俾唔到我地換左另一架！
車尾同車呔位都有損傷～
到停車場檢查好就展開我地既塔省自駕遊！
好開心！

第一站係去酒店！
因為CHECK－IN時間至下午5:00！
所以要去一個COLLECT POINT⋯
輸入PASSWORD⋯先拎到KEY！真係好有趣！
返酒店前當然要去SUPERMARKET買野！

原來哩度既WOOLWORTH係唔會好像SYDNEY⋯CAIRNS⋯會提供膠袋！
哩度係要收費AUD 0.50！都幾貴！
由於哩間酒店會住兩晚！所以都買定材料明晚下廚！
已經8點幾～都唔可能回酒店煮食！
剛好HusB看到燒雞係時候貼上減價貼紙～4折！
緊係立即掃返兩隻回HOTEL可以即刻食呀！

在HOBART我地會住兩晚～SULLIVANS COVE APARTMENTS！
GIBSON'S MILL APARTMENT
極時尚又型格！好中意～
不過得一個BATHROOM⋯四個輪住黎都真係幾麻煩！
明日一早出發去BRUNY ISLAND～
又要早點休息了！

HONEYMOON － 澳洲之旅 DAY 7

6/5
晨咁早就要起床！
今日既早餐有…熱狗包！
餡料有火腿…芝士…炒旦～
好豐富呀！

今日既行程係去TULLY RIVER玩激流！
搭兩小時既車程…
先到激流公司提供單據再讓他們掃瞄一下所穿既鞋是否合適！
我覺得這公司真的不錯！他們也有GOPRO外借～
但也不介意客人自己帶去～
當然我地是跟他們詢問後準備好晒配件帶自己個部去！
今次出動左兩部！連工作人員都話我地好PR0～
車程中途也會有個落腳點供大家買早餐去廁所！
這兩小時既車程都很期待沒有小睡！
公司也為方便各國既客人準備了多國語言既表格同要注意的安全須知！
始終都是有危險性既活動～安全真係好重要！
所以都係拿中文來看～

到達河流附近就要準備把相機安裝在頭盔上～
揀好合適既頭盔～穿上救生衣…就準備出發～
LET'S G0！！

跟我地同船既係兩名韓國人！
PILOT先跟我地來個說明…
全日將會聽得最多既英文就係…
F0RWARD…BACKWARD…HOLD 0N…GET D0WNUP UP UP…

沿途上既風景真係好靚！
雖然係陽光普照～但啲水溫都真係唔講得笑…係好凍！
被濺起既水花迎面而來…真係凍到打冷震！


所以真係盡量都要唔好令自己跳落水呀！
TULLY RIVER 共分開了兩部份～
上半部感覺冇咁激～而下半部就多急流！
真係好好玩～完全係快樂不知時日過～
話咁快就完成了上半部了～
經過瀑布既洗禮後就可以去食LUNCH了～
真係凍到痴肺…上水不停地震…連救生衣都不除了讓它幫我保暖！

用了咁多體力真係好肚餓…
食晏地點只係一個搭在河邊既一個帳篷內～
大家排隊選取一個面包…工作人員會放一塊熱辣辣漢堡扒～
旁邊有好多配料供大家自製美味既BURGER～
的確我覺得好好味呀！竟然可以吃完一整個～
另外還有熱茶…COFFEE…提供！飲返杯熱野都真係成個人都暖晒～

接下來又繼續下半部份了…
體力又回復返晒可以繼續挑戰…
上半部份我地沒有一人跌過落水～只係自行跳落水感受下樂趣！
黎到下半部急流多了～真係仲好玩！


同時亦令到PILOT爆晒粗…
皆因…船頭既兩名韓國成員掛住周圍睇風境…又唔聽指示…
而且PILOT說FORWARD…韓男成員卻BACKWARD！
令到PILOT好燥底又火起～都真係幾好笑！
而韓女成員當然也是亂咁來…
船槳經常都唔渣實的確係極度危險人物！
坐在他們後面完全感受到生命受到威脅～
接近尾升了會有座大石可以俾大家跳水…HusB第一個舉手要玩！
要是天氣熱啲我都會玩呀！
依家只係想盡力唔好令自己跌落水就是了～
噗咚一聲跳左落黎了～
接下來仲有啲較激既位置～
去到最尾有個激位…


令到隻像皮艇都摺一摺再彈左HusB落水呀！
嚇死我了…哩刻我感到好驚慌～
PILOT即時遷枝槳俾HusB捉實～
幸好HusB身手敏捷…在快要撞落大石前成功上返船！
但他竟然說跌落水感覺好鬼爽…好好玩～
不過都係既…玩激流都係想有哩種感覺架嘛！
雖然最終我都冇跌過落水～
但都覺得勁好玩唔夠喉～
有機會真係想玩多次！

完成了～男成員幫忙將像皮艇拿返上岸…女成員就拿槳！
停車處有個更衣室…是幾塊木板圍住！
都幾簡陋…不過玩淡水點都係比較乾淨！
換過啲乾淨衫褲準備回程了…
消耗了咁多體力…
在車上很快就睡著了！
在中途站看過當日既官方激流照…我覺得麻麻地…
可能其他船都有好多有趣跌落水既照片～而我地就冇乜特別…
不過亦因為我地都有影到片＆相…所以都冇買到！
繼續上車訓覺…
因為塞車既關係…車程約三個多小時！
回HOTEL梳流後去食哩幾3日都食唔到既FISH & CHIPS！
全城最好吃的炸魚怎能不試？

真係好好好好味呀！

晚上又要執好行李準備明日飛HOBART！

HONEYMOON － 澳洲之旅 DAY 6

5/5
今日既行程係出海遊船河～
又可以玩浮潛又有得深潛！
勁興奮呀！大堡礁等緊我地喇～
其實酒店尚算近碼頭！但都會有SHUTTLE BUS到酒店接送我地！
幾分鐘既車程到達碼頭～登記上船了！

大家都好遵守秩序排隊上船待派發浮潛用具及WETSUIT！

船上已經有不少遊客了～很難找到四人位！
唯有分開坐吧！
直至船開航後～我地跟兩位台灣遊客調位！四人又可以一起坐了～
雖然是近廁所位置…但總好過分開坐！

哩度既陽光真係好猛烈！
但氣溫並不是很高…
很舒服！不過落水真係有點凍…
著好了潛水既器材後準備探索大堡礁之旅！
今次係第一次潛水～真係好緊張！一個好好既體驗～
有教練在旁都不會感到害怕！
照住教練指導落水…吸入既氧氣真係好FRESH～
最開心係落水時就俾我近距離遇見了大蘇眉！
仲俾我摸到佢添～好滑呀！好開心！
嘩～真係好壯觀！水底既世界真係好靚～





啲珊瑚礁真係好大舊好近水面！
潛了約半小時就要返去了！
在上水前會有工作人員幫我地影相！
這次大蘇眉又再出現了～

真係生息不少！
上水後～真係勁想再加錢體驗多一次！
不過最後我地都係都選擇唔玩喇！
因為我地仲未去玩浮潛～
上左玻璃底船看看…看到好多好靚既珊瑚礁…仲見到有鯊魚呀！
慶幸我地沒有在潛水時遇上～要不然實嚇死我！

LUNCH有多款SALAD選擇～熱食由工作人員分配！
的確質素真係唔錯！SALAD好味呀～
這裡包早餐…午餐及下午荼！
真係任何時間玩完都有野食落肚！
食飽飽休息一會又落水玩喇！
啲珊瑚礁真係好近水面…分分鐘可以在上面站立～
能夠同大蘇眉影相…點能夠唔買返啲官方照！
雖然係明係貴架喇！但都很有意義～
最後在船上來了一個大合照就結束了船河之旅！

我地沒有搭SHUTTLE BUS回酒店～
反而慢慢地散步回去…
梳洗後就開始準備晚餐！
由HusB操刀煎牛扒同羊架～太好味了！
黎到哩邊～牛同羊是不能錯過既好東西！
又抵食又有質素～黎緊既日子真係要多吃呀！
炒菜…牛油粟米…生果！
完成晚餐後最期待當然係欣賞今日所拍攝既相片及片段！
只能說一句～GOPRO真係無得頂呀！
因為明早去激流要很早出門！
五點幾要起床了～所以都係盡早休息！
今日也真的很累了！