自家煮 - 拉面

其實都煮過好多次⋯

已沒什麼特別！

但係我真係覺得哩碗拉面好一隻青蛙！

溏心旦就好似青蛙既眼睛⋯

真可愛！

三月之星 @ The Codfather

這晚跟好友們一起為Rubi慶生！

揀左鰂魚涌既The Codfather Osyter and Seafood Bar⋯

餐廳比較細⋯

單單我們一行九人就已經像包場似的了！

這晚又可以同兩位可愛小妹妹玩真好！

女仔真係比較文靜又可以坐定定⋯

送給她們既Frozen顏色筆及文具套裝！

家姐即場畫公仔送給我跟Rubi！

真係氹死人呀！

我要好好保存呀！

讓她長大後拿返出來給她看呢！

過了愉快既一晚⋯

而且這餐廳食物也很不錯！

特別要提係青口⋯超好食！

◝(๑⃙⃘′ᗨ˂̶๑⃙⃘)◞♡ Happy Birthday to Rubi

Happy Birthday to my lovely sister 

今晚決定在家中舉行生日會⋯

要保守秘密食材讓Rubi驚喜一番！

買了一隻新鮮阿拉斯加蟹回家烹調！

見到都已經流晒口水了！

可能我是蟹痴所以特別誇張！

這次新鮮買回家烹調可以鎖住蟹既肉汁！

而且都算鮮甜很不錯了⋯

可以Encore！

這晚還有寿司跟三文魚刺身！

煎帆立貝及煎羊架！

開左支紅酒賀一賀我家二小姐！

不過掛住食就忘了影低部份食物了⋯

最後當然係要切旦糕啦！

好可愛既小熊呢！

Happy Birthday 

祝你身體健康所有願望實現晒！

愛してる

三月之星 @ 常會面雞煲

三月之星慶生活動一浪接一浪！

這晚相約了Calvin & 輝輝一起為Rubi慶生！

今次揀左筲箕灣既常會面食雞煲⋯

叫左兩個雞煲！

分別煲胡椒豬肚雞煲同重慶辣雞煲！

兩個都好好味！

不過我中意胡椒豬肚雞多一點⋯

多胡椒既湯底真係好驅風呀！正！

Dinner @ Pizza Express

今晚相約了Mami一起去Pizza Express晚餐！

很久沒來既關係都唔知套餐原來更改了⋯

以往只有星期一至四先有⋯

依家連星期五都有喇！

不過我還是喜歡之前既套餐menu多啲⋯

因為依家貴左之餘仲要冇甜品！

自家煮 - 蒜蓉蒸茄子

今晚又係在家玩煮飯仔既時間！

雖然今日全日都忙到死⋯

已經消耗晒所有能量！

但午餐食左好膩既肉醬意粉！

晚餐點都要輕營一點⋯

茄子營養價值高！

可以降膽固醇⋯

保持微血管堅韌性呢！

其實任何疏菜都有一定既營養價值⋯

最重要係均衡！

即使某疏菜營養高都唔可以日日都食既⋯

今晚好簡單⋯

煮左兩個蝦子面⋯

面上灑上在大澳買既蝦子⋯

真係好惹味！

加多個蒜蓉蒸茄子⋯

簡單既一餐！

下午茶

三點三下午茶時間又到喇！

在Disneyland入手既Duffy & ShellieMay cookies⋯

勁可愛呀！

真係唔捨得食呀！

三月之星 @ 錦繡花園 Part II

結束了下午既活動後⋯

我跟Rubi一起前往錦繡！

今晚阿姨從日本回來在錦繡來個Family Gathering！

一起打邊爐⋯

過了愉快既一晚！

這晚兩個姪仔都勁痴住Rubi玩！

開心死Rubi了⋯

這麼受歡迎！

原來HusB為Rubi準備了生日蛋糕！

連我都感到很意外呢！

大夥兒為Rubi慶生真係好開心呀！

Surprise 

三月之星 @ 松菱日本料理 Part I

三月之星既慶生活動⋯

要為Rubi搞一個難忘既生日！

今日HusB去滑水⋯

早起床後就出街去左Italian Tomato揀蛋糕！

三月這櫻花既季子就揀左個春季限定既櫻花蛋糕！

淡粉紅既賣相實在太靚⋯

絕對是三月之星最愛！

由於慶生午餐後會來我家玩及吹蛋糕⋯

於是去物色一下Birthday banner！

但都係搵唔到唔合心水！

如事者就來一個DIY夠心思喇卦？

咁先似開Party架嘛！

啲字母全部由我亂咁剪出來！

就地取材拎條鞋繩穿起佢地⋯

效果也不錯吧⋯

一切準備就緒就出發到松菱食鐵板燒！

這餐廳都不用多介紹了⋯

基本上每年總會幫襯！

原因當然係''正''啦！

五個女生點了四個餐再額外點了12oz鰻魚⋯

不得不提鰻魚⋯真係超好食！

食飽飽就來我家玩喇！

一打開大門⋯

Rubi既反應令我覺得好開心⋯

今日準備了狀元籌哩個古老玩意！

還有盲公骰！

最後就係吹蛋糕環節⋯

由於之後要去錦繡family gathering⋯

所以結束下午部份既Party！

新鞋子

今晚去敗家！

Rubi在我家晚餐⋯

為她準備了特濃蕃茄粟米湯烏冬及塩水雞翼！

哩個特濃蕃茄湯底不單止HusB連Rubi也一滴不剩飲埋！

雖然只係簡單既料理⋯

但有人捧場真係俾左好大鼓勵我！

之後就出街去i.t. Shopping⋯

買了波鞋給自己也買了一對給Rubi作生日禮物⋯

自家煮 - 特濃蕃茄湯烏冬

今晚整左個簡單又有營養既晚餐！

就係特濃蕃茄湯烏冬喇⋯

放工立即去左街市買餸！

除左主要既蕃茄外當然要買啲菜同肉均衡飲食嘛！

材料：

蕃茄     五個

肥牛牛

白菜     半斤

烏冬     兩個

精髓：

完熟蕃茄磚     兩片

首先白烚白菜仔備用⋯

將蕃茄切割好後放入水滾起的煲內煮加入精髓再加入肥牛牛（切勿過熟）撈起牛牛備用之後加入烏冬⋯

完成！

之後去做GYM！

突然覺得自己好健康呀！

Happy night @ No.5 Italian

三月之星既慶生活動開始了⋯

今晚相約了日文好友一起為Rubi慶祝！

最近太少在銅鑼灣出沒⋯

原來世貿多左啲新食肆！

今晚揀左三樓既No.5 Italian享用晚餐⋯

這晚還有闊別了我地半年既新手媽媽出席呢！

誕下兩個小王子既媽媽真係殘左勁多⋯

湊一個都辛苦⋯何況打孖來？

所以收身速度激快！

今晚話題都離不開兩個Baby！

都忘了把今晚既菜色影低⋯

但整體來說真的不錯！

海膽意粉超好味！

お誕生日おめでとう ◝(๑⃙⃘′ᗨ˂̶๑⃙⃘)◞♡ 

赤柱遊

家庭日

今日一家四口本來打算到山頂行下⋯

之後改為行大潭水塘⋯

最後因為截唔到的士而剛好又預上6X⋯

就改為去赤柱行下啦！

我第一次見到野豬⋯

來不及拿手機影低佢！

老實說如果佢衝埋黎真係會嚇死我！

都唔知我會唔會嚇到腳軟跑唔郁呀⋯

在赤柱真係好舒服！

今日真係漫無目的到處逛⋯

在McDonald買了個麥樂雞餐加芝士波波兩杯新地在廣場慢慢享用⋯

重拾小時候郊遊既感覺！

真係好開心！

吹下海風周圍行下之後就出返西灣河意蠔屋晚餐！

捨意的一天！

自家煮 - 糖醋排骨

今晚又來搞屎棍了！

自從買左玫瑰鍋返來一直都未有時間去剪綵！

好快要將它遺忘喇！

突然間想食糖醋排骨就上網刨下食譜！

看似簡單而且屋企有適合調味料⋯

就試下整啦！

材料：

一字排 

醬汁：

1湯匙 紹興酒（我用左玫瑰露代替）

2湯匙 鎮江醋

3湯匙 糖

4湯匙 生抽

5湯匙 水

首先煲滾水先把排骨汆水漏乾！

然後將所有材料醬汁先用大火滾數分鐘再用弱火炆焗二十分鐘左右！

醬汁變得杰身就可以上碟喇！

真係簡單又好味呀⋯

HusB & Rubi都大讚呢！

好開心呀！

同場加映豉油皇炒油面及鮑汁螺片伴生菜！

係咪好豐富呢？

真係好滿足！

Skin Care 血併日

購物真係令人開心！

購買護膚品總是令我喪失理智！

臉就只有一張⋯

護膚品就買到成櫃滿晒⋯

幾時先用得完呢？

放工後跟HusB先在粥店食點東西醫肚⋯

腸粉大比併

好似水浸咁！

似食醬多過腸粉⋯

不過麻醬真係好惹味呢！

之後到中環會合Rubi一起搭船過尖沙咀行街！

今日既目的係去買護膚品⋯

最後我倆都能夠用理性克服自己既購買慾⋯

兩人埋單都係買左四千零蚊左右！

滿足滿足！

然後同埋表弟&女朋友一行四人去左和民晚餐！

今次四人餐用匯豐信用卡有優惠⋯

$518+10%

只係前菜已經食飽左我了⋯

新春Disneyland之旅

趁今日係特選周末⋯

跟Rubi走左入Disneyland 兜返轉！

加上仲係新春節日有新春版米奇米妮！

今日勢必要跟佢地合照⋯

今早不知為何早就起來了！

跟HusB去左瑞士咖啡室嘆早餐⋯

食飽飽回家休息一會再出發去Disneyland！

約2:30入園後打算排隊畫米奇！

可惜2:40個輪入唔到⋯

離隊去等3:35同米奇米妮影相！

邊排隊邊睇埋飛天巡遊⋯

聽到巡遊音樂真係感到心情好relax⋯

終於都可以同到主角影相了！

始終特選周末人比較多！

所以都冇玩其他野只係到處逛影下相⋯

剛好去到灰熊山谷又差唔多時間可以同大鼻鋼牙影相！

本來都打算離開回家跟Daddy Mami食晚飯⋯

誰不知⋯到TinkerBell出場喇！

怎能錯過呢？

TinkerBell 好可愛好靚女呀！

而且仲好熱情⋯

能夠同佢影相真係太好了！

其實今日入園真係冇比乜野做過⋯

另一意外收鑊係可以集齊米奇朋友既新春貼紙！

好靚呀！有Duffy & ShellieMay呢！

然後到筲箕灣常會面食胡椒豬肚雞煲！

美味！

◝(๑⃙⃘′ᗨ˂̶๑⃙⃘)◞♡ Happy Birthday

Happy Birthday to my dearest Daddy！

祝你身體健康！家肥屋潤！

今日係Daddy登六既大日子！

擺左五圍壽宴同家人一起興祝！

為左隆重其視哩晚既壽宴⋯

當然要好好準備一番啦！

還安排了攝影師到來紀錄今晚既點滴！

讓Daddy有一個開心既回憶！

首先大約六點半有切餅儀式！

這次在美心訂了一個五磅既壽桃旦糕！

好睇又好食呀！

今晚真係好開心！

除了飯局外當然唔少得令人情緒高漲既抽獎遊戲！

$50一注lucky number！買得多中獎機會更多！

大獎$1,000

二獎$700

三獎$500

四獎$300

仲有7個$100安慰獎

我們一家買了8個lucky number⋯

可惜壽星公沒有抽中我！真失望！

不過最重要都係氣氛非常高漲不經不覺開了十六枝紅酒！

真係好高興呀！好開心！

澳門之旅

新年期間安排了兩日一夜澳門之旅！

HusB相約了好友一行十三人一起過大海玩樂⋯

今次住金沙城內既喜來登酒店！

因為大家都在不同地點出發⋯

所以約好了在Food Court 集合然後先Check in！

房間比較細！

早前做優惠$1300晚！

老實說雖然是優惠但一點都不便宜！

在澳門住酒店真係好貴⋯

大家約好了七點到新濠鋒附近既六棉酒家食開年飯！

哩段自遊活動時間！

不好賭場搏彩既我地就去左威尼斯人睇冰雕！

五分鐘就可以行完⋯門劵$120真係好唔抵！

不過都真係好靚！

功夫熊貓冰雕滑梯玩左兩次！好好玩！

之後去左官也街食木糠布甸！

去譚家食魚翅！

晚飯後去左酒吧玩樂！

然後一起入賭場玩下⋯

不過輸左三舊水！

翌日什麼都沒有做過！

搭2:30船回家去！