小寶貝給伯娘的畫作

終於都到星期五了！

小週末心情特別開心…

放工後行去中環搭村巴入錦秀花園同姪仔玩！

入到去原來哥哥朋友仔黎左一起玩呢！

玩左一陣就捉佢地坐定定畫畫！

三個小朋友都好專心好乖呀！

細佬升上K2後開始要寫字！

同時都開始拿起筆畫畫了…

哥哥鐘意畫Batman…

細佬同樣都係咁鐘意！

哩個係細佬畫完之後送俾我架！

真係好得意！

Batman好似隻青蛙呢！

十一月之星飯局

今日工作上既事真係有驚無險！

好彩安全渡過…

要不然…

無辜被鬧我會好唔憤氣又好唔開心！

昨日係Emily既牛一…

而我地就相約今晚慶生！

Emily搬左來中環工作實在太好了！

其實中上環真係好多好野食架…

Emily想食韓國料理…

據我所知哩一帶基本上係冇乜韓國料理…

剛好原來新紀元開左間喎！

119 Plus

見到食評都不錯…就去試試啦！

基本上我對韓國料理認知很少…

打開餐牌我覺得不太似韓國料理呢…

連Emily哩位大愛韓國料理者來說都有同感！

於是我地就揀左三樣推介既菜色…

甜筒炸雞

韓國菜點少得炸雞呢？

哩個炸雞配上甜忌廉甜蕃薯仲有忌廉白汁…

都幾特別…

芝士玉子卷

哩個好似日式玉子卷呢…

內裡芝士好澎湃！

好漏呀…好飽…

食左佢已經唔想再食野了！

最後鐵錘炸醬面…

要用鐵鎚打爆個皮既…

多左哩啲Gimmick野又可以提高價格了！

個炸醬面味道不錯！比較濃味…

整體上都尚好…

Emily Happy Birthday！

黎緊新屋既事將會好忙了…

祝一切順利！

BBQ @ 壹號雲頂

今晚公司兄弟姊妹們BBQ聚會！

大家聚在一起好似已經是年頭既事了…

今晚食物非常豐富！

除左蝦蟹外…還有扇貝！

仲有和牛…羊架！

超正呀…

最重要係有大廚處理！

坐响度等食…真係好嘆呀…

十一月之星 @ 走兩場飯局

十一月下半旬節目真係比較豐富！

今日有兩場生日飯局！

首先下午相約了好友去慶生…

我地又揀左九如坊Le Port Parfume享用午餐！

每次帶朋友上來…

大家都有讚無彈呢！

一如以往地點了Clams & Steak！

哩兩樣根本就係必點既東西！

今次都試左新野！

就係牛尾意大利飯！

啲牛尾超好食呀！

炆得好入味而且仲好林…好正呀！

夜晚相約左好友們到銅鑼灣泰簡單慶祝Silvia生日！

哩間泰菜真係麻麻地！

之後我地去左聰嫂食糖水…

一段仔時間冇幫襯姐…

質素差左好多！

點解？？

Disneyland

哩個星期工作上都真係有點不濟…

每日都有啲麻煩野要處理！

今日請左下午假！

諗住返半日可以安全渡過…

點知又有麻煩野要搞…

真係老土呀！

最後幫忙做左半都係交俾同事繼續處理！

會合左Rubi就一起去Disneyland…

因為我地張Annual Pass 22/11都到期了！

所以今日入埋最後一次啦！

去同Christmas Ver.主角們影相！

而且新加入左Lotso呀！

仲有就緊係要睇最新既迪士尼魔法書房哩個show！

但係今日竟然關閉？真係嬲呀！

而且今日樂園好鬼多人呀！

樣樣都排隊…

總之今日真係咩都做唔到咁濟…

有點失望啦！

最後我地一邊排隊等同米奇米妮影相一邊睇巡遊！

我地好早就排定隊…排第三…

所以可以盡快影完走到Duffy & ShellieMay排隊繼續影！

影完就去排隊影Donald & Daisy！

今日可以影到三對主角都真係算好了！

之後休息一會就等18:20 Elsa & Anna聖誕樹亮燈儀式！

坐到天黑就開始了！

諗左好耐好耐…本來今日係最後一次入來！

但真係仲有好多野未做！

最後我地兩個走左去續證！

十二月再入過黎呀！

搞掂好晒又差唔多時間去睇光影匯巡遊啦！

搵返個靚位！又再等時間過…

十周年有新煙花！

但係我地都冇睇埋就走喇！

搭車去西灣河去太安樓食串燒…

再去明記食糖水！

真係充實既一天呀！

自家煮 - 鮑魚面

昨晚睇完Do姐去Shopping讓我想起上年既澳洲之旅！

在塔斯曼尼亞我地都食左好多打生蠔呢！

看到佢地介紹鮑魚真係勁想食呀！

所以今晚決定煮個冇難度既晚餐！

就係鮑魚面喇！

新年時在安記買來了鮑魚送禮…

順便買左盒鮑魚面禮盒試下！

禮盒內有兩隻鮑魚…兩個鮑魚面！

加多個生菜跟潮州魚蛋又可當一道餸！

真係方便又好味呀！

澳門遊

今日跟Rubi一起過大海！

相約一起去搵阿王…

早上起來先走到信德中心買船飛！

雖然知道睇完演唱會都好夜！

住返晚酒店固然好啦…

不過兩千幾蚊晚真係太貴…

所以最後決定搭夜船返屋企！

於是買左2pm去1am返！

之後同HusB一起去食個早餐…

再會合Rubi一起搭兩點船去氹仔…

到步後搭shuttle bus去Galaxy…

因為由Galaxy行去官也街最近嘛！

其實本身都唔肚餓…

所以純粹來買下手信同食啲野啦…

食下D24榴槤雪糕！好味道…

再去譚家食翅！

然後返去Galaxy去Casino打個合鴿轉！

玩到六點就出發去新濠影匯…

因為入夜…著晒燈會靚啲呀！

Galaxy沒有直接車到新濠影匯…

所以先搭去新濠天地再轉shuttle bus去！

遠觀的確幾特別呀！

8字型摩天輪！

入場前去左food court食左個豬扒包！

食飽飽就入場啦！

城城演唱會的確好看！

五十歲依然唱得又跳得！

真係一個舞台王者呀…

會場比較細…

所謂既夢幻距離原來係個舞台…

係會郁架！感覺同上層觀眾都可以互動呢！

行到黎我地哩邊喇！

我地坐第三行真係好近架！

舞台在觀眾們頭上穿高呢！

由8:30唱到11:15真係好好睇呀…

即使只開一場都一樣好落力！

本來打算趕11:59後補船位…

最後應該趕唔到…

所以走入Casino兜個圈拎枝水…

餵下老虎！再搭shuttle bus去碼頭！

最後一班去氹仔碼頭係00:30！

咁就結束了13小時澳門之旅啦…

So Happy

優閒下午

今日又要考試了…

考早上既好處當然就係有半日假俾我優閒下啦！

一個多小時就完成交卷！

又K.O.多一份喇！

最後一份決定出年先考…

讓自己好好休息下先！

然後相約Daddy Mami一起食午餐！

我地揀左The Oyster House！

享受美味既午餐…

真係好寫意呀！