2014年11月29日 星期六

HONG KONG DISNEYLAND

既然申請左ANNUAL PASS⋯
今日仲要係特選星期週末~
點都要相約RUBI去一趟!
其實我地既目的都只係為左同Duffy & ShellieMay影相!
機動遊戲唔會特別排隊去玩!

約1:30左右到達⋯
我見到Duffy & ShellieMay了~當然要沖埋去排隊影相啦~
可惜早就截左龍⋯而且條龍都真係好長呀!
真受歡迎!
工作人員話4:00會有ShellieMay單人影相⋯
咁唯有早點來排隊啦~
其實Mickey &Minnie都係人龍超長⋯
唔駛指意去影了!

唯有到處逛逛~
今日真係比上星期六多好多遊客呀!
見到公主冇咩人排隊~
都唔放過同睡公主Aurora影相!


Frozen都真係勁受歡迎~
同樣都是打晒蛇餅呀!
既然3:00有巡遊⋯我地又走返去Duffy & ShellieMay拍攝地方排定隊邊等邊睇!
由於位置是所有花車回家既地方⋯
所以都看得非常清楚!

終於等到主角出場了!
ShellieMay超可愛呀!

影完相就去左反斗奇兵集中營剛好Woody又出來了~
再影相!
唔知點解有得同角色影相係一件好開心既事!
之後去左灰熊山谷~
又咁剛剛好遇上Chip & Dale~

太美妙了!

最後當然又係去SHOP購物~
但係想要買既都已被清空⋯好似擠提!
最後都可以買到心頭好!
So Nice!可愛既Duffy又被帶回家了!

約6:30左右離開回娘家Dinner!
我說想食雞煲~Daddy就煮俾我食!
真係好幸福呀!

2014年11月22日 星期六

HONG KONG DISNEYLAND

9天假期第三彈 〉HONG KONG DISNEYLAND

22/11/2014

因為DISNEY有新巡遊 - 迪士尼光影匯
早前看到NEWS介紹已經覺得好吸引架喇!
加上HK DISNEYLAND都引入了ShellieMay⋯
真係唔去唔得了~

於是計劃十二月點都要去一趟!
點知DISNEY又加價⋯
$499門票真係好貴呀!
不過只要是持有HKID還可享用舊價$450門票入場至到明年1月10日~
就係咁~我地決定豐富這個9天假期~
今日同HusB & RUBI一起入去DISNEYLAND玩返一日啦!

大約12點左右到達⋯
入園後我地第一時間去UPGRADE門票⋯
申請左一年會藉!
擁有第一張奇妙處處通了~
雖然只係申請左銀証⋯約有250既星期一至五⋯
但有七個特選週末可以入場~
都真的不錯丫~

然後進入美國小鎮大街去購物呀~
要帶ShellieMay回家~陪伴Duffy!
有很多東西想要買⋯
幾乎每一間商店都要入去逛逛才心息!

今日DISNEY不算太多人~
都玩了唔少機動遊戲~
最開心當然係去霸返個靚位睇光影匯!

真係好靚~而且氣氛也很好呢!
我最中意怪獸大學既花車~
好好好靚~
沒有看埋煙花就離場了~
已經很累~

這次沒看到Duffy & ShellieMay⋯
只有同胡迪 &巴斯影相咋⋯
不過都好開心!

然後去小肥牛打邊爐!

還餘下一天假期~時間真係過得好快!
真係唔想咁快返回現實呀!

2014年11月20日 星期四

3日2夜澳門遊 ②

9天假期第二彈 > 三日兩夜澳門遊

19/11/2014

昨日太累了…
本來打算早點起來又去找食…
點知起來時都已經12點了!
如是者就落樓下翠華食野先…
之後先出發到澳門半島!
坐SHUTTLE BUS到星際酒店行去二龍喉公園…
的確係好遠水路呀!

但沿途上都遇上了不少GUIDEBOOK介紹既食店~
其中禮記就係我既目標…

我只想食雪糕三文治!蜜瓜味雪糕好耐冇食過了…

個多小時終於都行到二龍喉公園喇!
搭左最短既松山纜車…每位兩蚊!

未坐定定就到了!真係快~
在松山有著名既燈塔仲有幾座炮台~

還可以觀望澳門既全景!
由於時間非常充裕所以我地慢慢咁行返落山…

再周圍行!剛剛經過一間茶餐廳…用了咁多體力當然想食下野!

哩邊物價真係冇咁貴呀!豬扒包都只係15蚊…

之後又再行行行…行去澳門觀光塔下的美食嘉年華!

人山人海~好多人呀!
第一樣要食既野當然係宮崎和牛~真美味!
但其實都唔平呀!80蚊得六粒肉咋…
不過係好好味既~
之後又食埋神戶和牛…95蚊份量都係比較少!
雖然係好多美食~但反而唔係好吸引我!
最後買多個印度簿餅就完成哩度既美食之旅!

又慢步地行返去…

星際酒店搭SHUTTLE BUS回GALAXY了!

又再浸泡泡浴~之後就去CASINO玩下…
沒有斬獲!回房間休息~
浸浴真係令人消除疲勞呀!

3日2夜澳門遊 ①

9天假期第二彈 〉3日2夜澳門遊 

18/11/2014
我地選擇左在格蘭披治大賽車翌日才出發…
一來旅客會減退了!兩來不怕遇上大塞車情況!
今次我地揀左大倉酒店住兩晚~
一間日式而且比較簡約既酒店!
平均HKD1,600一晚…其實都真係幾貴…
這次透過AGODA訂酒店然後用了金光飛航既優惠HKD265來回船票!
比我在明星查詢平左HKD400…慳下來的可以用作娛樂費了!

搭12:00船出發…
平日過大海真係舒服好多~輕輕鬆鬆就過關了!
上了GALAXY SHUTTLE BUS到達銀河…
因未夠CHECK-IN所以到附近官也街搵食~
好想食豬扒包同葡撻!經過大利來記沒有開…
於是到新好利食~熱辣辣葡撻好好味呀!
加上又肚餓…其實食咩我都覺得好味架~
醫肚後回酒店CHECK-IN~
房間的確比我想像中的更簡約~沒什麼特別!

放低行李後休息一會去參觀酒店設施!

就出發去新馬路食添發碗仔翅呀!
當然唔少得去最香買杏仁餅!
之後行左去大三巴…

今晚HusB相約了好友一起到聯記粥品打邊爐…
時間非常充裕讓我地四圍逛…慢慢行去…
沿途上看到好多旅遊書都有介紹既美食呢~
用了個多小時到達目的地…但係…今日竟然係休息!
如是者要改地方了…搭33號巴士往16浦斜對面也有一間順德粥底火鍋~
今晚一行五人整整享用晚餐!

晚上既GALAXY真係幾靚…

雖然外表都真係幾土豪~
HusB跟友人飲野吹水!我就在酒店房享用泡泡浴~
剛才買來了滴露好好消毒一下個浴缸!
行左成日真係好累了~

浸泡泡浴真係好舒服呀!

2014年11月16日 星期日

2日1夜塘福之旅 ②

9天假期第一彈 〉2日1夜塘福之旅

16/11/2014

始終宿營總是訓得不好~
雖然地方乾淨又舒適~
但都係好早就醒來了!

無幾耐DADDY &MAMI都醒來~
弄早餐給我地一班懶人食呀!
沒錯這次宿營又可以跟家人在一起~
同時也可以跟好友一起玩!
令我感到好開心!

早餐有腸仔旦出前一丁!仲有昨日餘下的BBQ物資!
當然唔少得私伙COFFEE!
真豐富~

然後約11時左右就出發去大澳行下兼食晏!
因為星期日既關係~遊客特別多⋯
巴士都會比平日貴而且仲要得企位又要兜路~
崎嶇山路就係嘔咁濟 

大澳對我既印象就係蝦醬~
不過當然沒有買~只買左蝦子~
煮蝦子面時加埋蝦子又香又好味呀!
四周圍行下⋯食下野~

不過今日陽光比較猛烈⋯
沒有瓦遮頭直接晒落黎都真係冇乜動力繼續行!
最後還是求其找一間食店食晏就回渡假屋收拾行裝~
玩多陣就由專車接我地返碼頭交埋KEY~
就搭船返中環喇!

2日1夜塘福之旅 ①


9天假期第一彈 〉2日1夜塘福之旅

RUBI公司既福利也真的不錯~
在梅窩租了渡假屋讓員工去相約親朋一起渡假玩樂!
今個星期就到RUBI抽中渡假屋⋯
可以跟家人及好友一起去玩!

15/11/2014
由於ANGIE今天要返工⋯
所以等埋她放工一起搭13:30快船出發去梅窩!
到達後先到渡假屋管理公司登記及拎KEY~
再約定時間由專車接送到渡假屋~
然後到SUPERMARKET買野及買燒烤食品!

來到渡傻屋~
都真的不錯呀!

休息一會⋯一起去塘福沙灘散步!
天氣已轉涼了~夏天就可以落水玩呀!

其實哩度又真係冇咩特別景點!
所以又好快返去準備下BBQ及玩樂!
這次帶來了盲公骰!
好玩呀~但運氣就麻麻了!

約6:00左右就開始BBQ⋯

一定係天氣又好⋯地方又舒服~
唔覺唔覺都可以將食物食得8899呀!


既然難得來到⋯就決定聽日去埋大澳行下!
晚上大家繼續玩多陣盲公骰先訓!

大家已經對通頂哩個名詞大感抗拒!
一晚通頂真係幾晚都補唔返~
再者明日又有地方去!
還是早點ZZZZZzzz好了!