DINNER @ 茶木

今日繼續參考一下TASMANIA既遊記…
讓我好好安排下路線！
再看看上年五月份既天氣…
嘩～都幾凍下…早晚溫差都相差十幾廿度！
所以我地決定今晚去買禦寒衣物～

放工後同HusB去拍拖行街街！
買完所需物品後就到茶木食晚餐～
上到去已經有人龍了…肯定要等下位喇！
想不到跟店員講左兩位後…竟然有得入座！
真係太好了！

最想食就係個甜品喇！

放血日

今晚相約了日文同學們晚飯～

在THE 0NE 8/F的FULL/HALF！

放左工相埋RUBI一起出發！
在DSF行街街～
護膚品哩樣野真係好難抵得住佢地既誘惑！
自殺式放血行動就咁就展開左喇…
我地真係要好好學習ST0P自己了～
一張臉又點塗到咁多野上去？
不過的確以前在家跟RUBI一起SHARE用…
依家分開了…就要買俾自己用喇！

放完血就去食晚餐！
整體來說哩度既食物都唔錯呀！
我地六個人叫左五個餐～
每一個都好好味…
只係牛扒比較遜色～

開開心心又一個晚上！

我的戰利品！

唔知可以用到幾耐呢？
當然我唔會只顧自己既…
HusB都有架！

行程既苦惱

決定了H0NEYM00N既目的地了～

已經訂好了去澳洲既機票…

就開始煩惱行程喇！
初步暫定係Sydney > Tasmania > Gold Coast
的確我都好想去Cairns！
因為有更多刺激玩意仲可以去睇珊瑚！
好難取捨⋯
哩個行程又真係唔係好順路…

晚餐由HusB全權負責！
生菜肥牛肉墨丸芝士丸菠菜面！
滾埋一煲～

食得！

繼續參考下其他BL0G既介紹…
開始都有點頭緒！
唔知點解睇完啲遊記好似自己都去完回來似我～
好期待呀！

咸旦蒸肉餅

哩排經常玩煮飯仔～ 
只要兩人在家晚飯就會想想…
今晚食乜餸?

昨日在家又整左醉雞翼～
打算做今晚其中一樣菜式！
而另一樣就係咸旦蒸肉餅！
又係一個比較簡直既菜式～
但對一個廚房新手來說每完成一個菜式都會有成功感！

材料：梅頭　$20 免治攪碎

加左水，生抽，糖，生粉，麻油醃廿分鐘左右再加埋半隻咸旦白入去…
面頭加隻咸旦黃就可以放入鍋蒸熟喇！
熄火前兩分鐘左右仲切埋啲蔥粒放埋上面…
 
賣相又靚啲喇！

今晚既晚餐有三個菜式～

可以成功煮到餐飯真係好開心呀！

雞煲

郊遊完畢後晚上相約了HusB好友一起到葵興晚飯！
去新保廷小廚食雞煲！

雞煲哩樣野我只係幫襯過一品！
因為味道麻辣得黎帶點甜～好好味呀！
今次哩個雞煲都好惹味！

 
用生鐵鑊感覺火喉夠啲～
哩個雞煲亦比較麻辣～
我覺得兩間都好食…
不過就鐘意一品多啲！
可能唔係好食得辣既關係～甜甜地就易入口嘛！

之後仲叫左一個招牌既大盤魚呀！
 
哩個真係好辣～
唔係好食得到呀～
不過都幾特別呀！

飲飽食醉後～HusB同朋友們去飲野！
而我就同RUBI一起回家去附近既McDonald繼續坐繼續吹水！
兩人叫左個D0UBLE CHEEZES BURGER MEAL～
好似剛才食唔飯似的…繼續食！

警隊博物館

今日又係郊遊既日子！

食飽早餐回家休息一會就出發去行山！
今次我地既目的地係本應係山頂～
但由於我體能太差了…
還是改變目的地比較好！

由合和上…行寶雲徑去到灣仔峽道～
再上到去灣仔峽道公園＆甘道兒童遊樂場！
就會見到警隊博物館！
本應向山頂道繼續行可以上到山頂！
或者去香港仔郊野公園亦得！
不過未行已經唔係好掂！
就索性去警隊博物館參觀算了～

哩個地方在小學時參觀過！
最有印象就係鴉片同大頭綠衣！
相隔咁耐重遊博物館～
當然有好多野改變左！
估唔到細細既地方都可以逗留左大半小時！
都算幾多野睇架！不過博物館入面唔俾影相～
老實說～皇冠比起洋紫荊真係有氣勢得多！

參觀完就沿住灣仔峽道落山去食下午茶了！

賽馬會BUFFET

又一星期了～

到了HAPPY FRIDAY心情特別開心！

今日得到大佬邀請去賽馬會食自助餐慶功～
包了一間房約三十人左右～
食物款式不多～
蟹腳及凍蝦～
魚生有厚切三文魚…LL SIZE帆立貝仲有甜蝦～
沙律吧…牛扒…熱食…甜品…生果～
不過胃口一般食左好少野～
只係食左魚生＋沙律＋甜品！

甜品仲有和櫻屋既紫薔薯布丁呀！
食得好飽～

蒸水蛋

今晚在家煮飯仔！

早前HusB話無蛋食…
的確煮過咁多餐都真係無蛋料理！
就決定今晚煮蒸水蛋加個菜同埋蒸腊腸！
簡簡單單一餐～

蒸水蛋哩樣野其實真係可以好易…
但要蒸得靚就比較難啲！
網上食譜好多～大家都有唔同既方法…
但原來秘訣在於蛋同水既比例！
不過網上都有唔同既比例～
所以最後決定請教屋企大廚 ＞ DADDY！

材料：
雞蛋 4隻 

首先將雞蛋攪渾～然後加少許鹽再加入水（水已加左少許雞粉）以1：1.5既比例！
煲滾水放入蒸架再將碟蛋水放入鍋內中火蒸！
用牙籤攝住鍋蓋～原因不明…DADDY話咁樣做就跟住做～
大概蒸左13分鐘～加啲蔥花落去…再熄火焗左一陣～
我諗其實睇到熟左就OK…幾多分鐘都係斷估！

第一次蒸水蛋～無失敗呀！
又靚仔又滑！

真係好開心呀～好有滿足感～

開飯喇！

MY JELLY BEANS

之前同RUBI在日本訂購左三對JELLY BEANS終於都到手了～

三對鞋有兩對都係同款同色！
只係一對係同款唔同色～
豹紋＋黑色

又有新鞋著了！
最近買了太多鞋了！

同場加影RUBI送給我的PINKY GIRLS！

日系始終是我們的最愛！

DINNER WIV JAVAN

天氣真係反晒常…

又暖又凍又潮濕！
早上還是暖暖的…到晚上氣溫又急降十度～
聽日又再凍過！
真係要小心身體～好好保重！

今晚返HusB家～
阿婆唔舒服今晚唔煮食！
她食左藥要好好休息…
HusB同我帶埋JAVAN三人行去茶餐廳開餐！
哩個小朋友真係愈來愈大個…
講野真係好老積～講唔停！
不過又真係好聽話～
鬥快食飯唔准講野～又真係唔講野！
人仔細細食晒成碗魚旦河～
仲食多個紙包蛋糕！真係犀利！

食飽飽返上屋企玩一陣！

溫暖的大手跟可愛的小手

住家飯

今晚又到我大顯身手既時候喇！

叫左RUBI來晚飯～
所以就整一個我又喜歡佢又喜歡⋯送飯一流既菜式！
四點左右去街市買餸…
突然感到…以往從來唔會做既野依家經常都會做…
真係好似長大了！

HusB去做GYM…
我在家準備晚餐～
今晚會有芥蘭…醉雞翼同埋粟米薯仔豬肉粒！

粟米薯仔豬肉粒
哩個餸小時候已經成日會食到～用來送飯真係唔錯！
係MAMI既一個外國朋友教她的！
第一次嘗試後～我跟RUBI都已經愛上！
或者我地都太喜歡食薯仔同粟米了…

材料：
免治豬肉 $20
薯仔 兩個
地門粟米 一盒

先用糖，鹽，生抽，油，麻油醃免治豬肉⋯
洗乾淨著仔去皮切粒！
首先落油燒紅鑊加薯仔炒焗至林身盛起備用～
之後就到免治豬肉落鑊炒熟～再加入粟米炒一炒～

然後再加返薯仔落鑊兜一兜～上碟！
就係咁簡單！



RUBI還帶來MAMI的愛心靚湯！好味呀～感到好幸福！

醉雞翼 II

再次挑戰醉雞翼！

今次試用蒸既方法先將雞翼蒸熟…
然後再將雞翼放入醉雞汁再煮一煮！

材料：
雞翼 10隻
醉雞汁+花雕酒

首先將雞翼解凍…然後就將雞翼蒸熟！
再將它們放入醉雞汁以蒸既方法蒸一蒸…
加熱後會蒸發左啲酒…
所以攤返凍放入雪櫃前再加返啲酒！
今晚晚餐可以試到味道了…

果然哩個方法更好味呀！

HAPPY M0MENT

早上起來為HusB準備我的拿手早餐！

又係熱香餅呀！
因為無晒雞蛋…
所以想煎隻蛋都煎唔到！
唯有下星期先再準備另一款早餐！

食飽飽休息左一陣～
HusB出發去元朗匯合細佬買今晚打邊爐既火鍋材料！
而我就相約左家人去名苑飲茶～
今個星期無返屋企見DADDY ＆ MAMI…
所以要一起去飲茶先得！
今日點了灌湯餃！


食飽飽點家再次挑戰醉雞翼！
然後就同RUBI一起出發到錦繡～
天氣咁凍真係好啱打邊爐呀！
我又可以同JAVAN玩了～
昨日回家後同JAVAN講過今日入去錦繡同佢玩～
今日佢就不停問伯娘黎未喇！掛住伯娘～鐘意伯娘！
真係心都甜晒呀！開心死我～

上星期來我家DADDY摺左兩隻紙船仔俾JAVAN～
佢仲KEEP住左～等緊我來既期間仲叫爺爺在船上寫"伯娘"～
叫伯娘船呀！真係可愛～


晚餐打邊爐～正呀！
有好多肥牛又有好多海鮮！好味呀！
大家仲陪JAVAN一起睇M0NSTER UNIVERSITY先走呢～
愉快的一天！