2015年12月31日 星期四

大除夕

今日又係半日市真係爽呀!
放工後同同事們一起走到登龍街Sushi Mori食午餐!
上年既今日我地都係一起响哩度完成年度最後一個午餐呢!
質素真的不錯!
今次揀左廚師推介十二件寿司…
好好味呀!
火灸toro真係冇得頂呀!
Ikura一啲都唔腥卜卜脆好新鮮呀!
Uni超正!
有水準既魚生…
價錢就緊係有返咁上下啦!

2015年12月29日 星期二

優閒迪士尼之旅

今明兩日都請左假…
剛好28-30/12所有奇妙處處通會員都可以入場!
而且仲有七折購物優惠添…
所以約埋Rubi又走左入樂園喇!

今日目標好明確!
就係要睇魔法書房同埋剛剛開放既Fairy Tale Forest!
大約11:15左右到達…
今次走去搵chip n dale影相!
十周年既裝束是不能錯過的!

鎮定了睇12:15既魔法書房…
半小時前到達已此場爆滿了!
連後補都滿…
唯有睇點半個場早點排隊啦…

行過隔離既童話園林剛好不用排隊…
直接入就可以了!

裡面有好多公主呀…
第一站就係長髮公主喇!
其實個園林係幾靚既!

第二站有白雪公主…

今日帶左阿拔來影相呀!
好可愛呀!

第三站有貝兒公主!

第四站係灰姑娘!
我最喜歡架!

去到哩個位置會有一個地方係可以同tinkerbell影相呢!
不過截左龍了!
我地冇緣合照啦…
出面既一片花園都好靚架!
阿拔又訓左响度享受架喇!

最後一站係小魚仙!


當我地走出童話園林後…
出面排晒出龍啦!
然後我地就早左成粒鐘去排隊等睇魔法書房了!
不錯既show呢!
當然就緊係唔少得Let it go…Let it go!

半小時既表演完結後我地走左去睇史迪仔!
真係好鬼爆笑架!
啱晒我哩啲乜都笑餐飽既人睇啦!

剛剛好又到飛天巡遊!
不過都冇去睇…
走左入店幫同事買左隻大Anna tsumtsum公仔!
就離開樂園了!
最新既tsumtsum頭貼紙35個人頭終於集齊了!
真係開心呀!哩次真係好鬼難儲呀!

2015年12月27日 星期日

入伙盤菜宴

HusB家既村屋終於都起好了!
今日舉行入伙盤菜宴!
在村內擺左18圍盤菜…

約兩點左右到達…
參觀了新屋後就跟表哥啲小朋友到公園玩!
四個鬼仔鬼妹真係太好動了!
我同Rubi真係唔認老都唔得喇…
又跑又跳…又耍盲雞又玩捉!
真係辛苦過做運動呀!
不過真係同佢地玩得好開心!
玩到癲晒…一個二個都污糟貓!

開餐喇!

開始盤菜時都擔心天雨問題!
話晒天文台話會有雨丫嘛!
幸運地食盤菜時一啲雨都冇!
直至大家食飽飽玩左陣才開始落雨呢…
都算唔錯架喇!
哩個盤菜真係唔錯…好好味呀!

跟小朋友玩得好開心!
真係有點唔捨得佢地呀…
直至要走既時候…
跟Alice來個Goodbye hug後…
扁晒咀眼泛淚光…
原來佢都唔捨得我同Rubi…
仲攬住Mami大喊…
哎呀…我都好唔捨得呀!
唔知下次見面又係幾時呢?
可能大個左又唔記得左我了!

祝 新屋興旺!家宅平安!

2015年12月26日 星期六

Happy 2nd wedding anniversary @ Ocean Park

Happy Boxing Day

時間真係過得好快…
轉眼間今日就係結婚兩周年紀念日!
哩個聖誕HusB安排左好多節目俾我!
今日仲過得好充實呢…

今日相約了大表哥一家一起去Ocean Park…
剛好看到官方網有優惠!
在24日前購買全年證禮券享有九折優惠…
所以我地決定申請年票!
闊別三年既Ocean Park又多左啲新影點啦!

今日真係好多人呀!
大約十一點入樂園…
首先去水族館!
再去搵安安佳佳同埋金獅猴!

然後走到亞洲動物天地睇盈盈樂樂!

仲有小熊貓…在訓練中呢!

之後緊係去澳洲歷奇睇樹熊…

同埋袋鼠啦…終於可以見到白袋鼠一面了!

由於等待纜車人數眾多!
我地改搭海洋列車去另一邊…
首先去海洋冰室食午餐先!
然後開始刺激既機動遊戲…
亦係Benny最期待既玩意!
海賊帆…過山車…

跟住當然唔少得海洋劇場啦!
老實說轉左新主題真係嚴重乏味…
真係新不如舊!
不過今次好幸運…
終於都可以走上海獅台上指揮牠們揮手及叫!
還可在牠們身邊合照呢!
其實之前Rubi都試過呢…
如果可以好似海洋伴我心有得摸海豚就好了!

之後我地繼續去玩機動遊戲!
最後坐返纜車返正門!
再玩埋攤位遊戲!
今日真係由朝玩到晚呀…
最後由大人細路都啱既Merry Go Round作完結!
約八時離開!
再到灣仔金蘭花食泰國菜!
結束今日既動感之旅…
真係玩得好開心呀!

玩在一整天Benny同Alice都好跟我地一起玩呢!
距離又拉近了!好中意佢地呀!
其實要玩晒Ocean Park入面所有野真係一日玩唔完!
但我同Rubi由學生年票連續玩左咁多年!
真係咩都玩夠晒!
今次闊別三年再黎!
多左澳洲歷奇同新鯊魚館可以俾我睇動物!
足滿新鮮感呢…

今年渡過左一個好豐富既兩周年紀念呀!
ドキドキ Thanks HusB ドキドキ Luv U ドキドキ

2015年12月25日 星期五

Christmas Day

Merry Christmas!!

今晚去睇陳慧琳!

真係一個精彩既Show!
雖然今晚沒有嘉賓…
但不知不覺兩個半小時真係過得太快了!
大日子後就完場?
真係有點唔夠喉呢!

十二月

這個十二月真係節目豐富!
而這個星期都真係日日有節目咁濟呀!


21/12 媽咪生日


22/12 冬至
今年姑媽及兩個表哥及家人從英國回來過聖誕!
所以放工後去聯和墟晚飯做冬…
五月時在倫敦見面十二月在香港見面!
自他們小時候移民到英國後就沒有回香港了!
今次能夠一年見兩次真係好難得!
真係唔知仲有無機會在香港再見面了!

上一次見二表哥已經是五年前了!
兩個小孩都長大了…
至於大表哥今年都見過面…
不過哥哥Benny忘記左我地…
要俾相佢睇返先醒返起!
而妹妹Alice一樣都係咁可愛!
得知她喜歡熊貓就建議他們去Ocean Park!
所以就約定26/12一起去Ocean Park玩返日啦…


24/12 平安夜
真係好中意今日!
因為只有半日市…
收市後搞掂好晒就可以放工啦!
相約左Rubi食午餐!
去左蘭桂芳食俺の割烹!
西京燒我最中意…
點知…入座後竟然賣晒要暫停!
唯有改為食天婦羅烏冬定食同埋刺身定身啦!
食到咁上下西京燒又恢復供應…
氣死我了!
回家休息一會後回娘家晚飯!
Daddy到天后買來了芒果拿破倫賀聖誕!
好味呀!

晚上去看極限追捕!
很好看呀!

2015年12月21日 星期一

Happy Birthday to Mami

今日係媽咪生日!
所以特地請左日假期打算去玩一下再晚餐…
不過腸胃炎既關係…
導致昨晚都不能出席好友婚宴!
很可惜呢…

下午都是留在家中休息!
晚餐我地揀左去極尚大瀛喜食放題…
總不能因為我既肚子不適而取消嘛!
不過見到美食當前…
就忍不住食少少啦!
唔怕既…
其實這裡熟食比較出色啲!

Happy Birthday to Mami ◝(๑⃙⃘′ᗨ˂̶๑⃙⃘)◞♡ 

2015年12月19日 星期六

生病了

聖誕月節目一籮籮!
連續四晚都有節目及飯局!
今日起一連三天假期既開始…
本應好開心…期待每日節目!
不過昨晚睡得很差…腸胃不適…
半夜起來又柯又嘔!
辛苦死了!

由於腸胃撬撬下…
相信今次自己又唔知食左咩油膩野…
唔乾淨既野搞到腸胃炎了!
而且轉天氣鼻敏感很嚴重…
早前已經喉嚨痛同咳了…
點解身子差左咁多架?

本來今晚相約一班好友來個X'mas BBQ Party…
這樣一來我參與不了!
整天都在床上訓覺休息…
沒有胃口!
明晚好友結婚…後天媽咪生日…大後天做冬!
希望快點好返啦!

2015年12月16日 星期三

Disneyland @ 10th anniversary version

今日特地請日假來Disneyland!
因為想要同著十周年服飾既主角們影相嘛!
12:00前主角們都是著十周年服飾…
之後就會是聖誕服飾!
所以相約Rubi早點入樂園啦!

約十一點左右到了!
第一時間當然是走去搵Duffy & ShellieMay…
俾我地排埋就截龍了!真係太幸運了!
 他們實在太可愛了!

之後走去搵Donald & Daisy!
哩對情侶實在太Sweet了!
又攬攬又錫錫!羨慕死人了!
Daisy又好風騷好搞笑!

影左兩對情侶之後…
由於一點鐘有十周年慶典關係!
好多主角都截晒龍冇得影相啦…
好在重俾我搵到Goofy!
Pose王冇得頂呀!
近幾次入樂園都同佢影唔到相!
今次終於可以影相啦仲拎埋簽名呀…

然後去返城堡等十周年慶典!
會見到所主角們在城堡前跳舞架!
先會有樂團演奏!
之主角們會從巴士走落黎架喇!
我企既位置都不錯呢!
正正就是最中間既位置…
佢地會圍圈跳舞…
每個主角都會走到我面前呀!

之後我地又走到反斗奇兵大本營搵Lotso!
我地等到Lotso出黎啦!
出黎前都要整古做怪好得意呀!
如果他都有士多啤梨味就好了!
好好攬既Lotso真係好受歡迎呀…
之後我地再等埋同Jessie合照!
今日又多左三個簽名喇!
然後就離開樂園了…

魔法書房仲未重開!
唯有下次再入場睇啦…
返回娘家附近Starbucks嘆下咖啡…
真係充實喇!

2015年12月15日 星期二

Company X'mas Dinner @ 碗屋

今年既Dept X'mas Dinner在碗屋舉行!
估唔到可以俾我地包場食過痛快…
早兩年都係分team食既…
今年就整個部門約百人一起舉行!
我地team被分配到坐吧枱…
絕對係好位置…
鐵板燒就在我地面前!
大家還在等待刺生拼盤時…
師傅見我地遲遲都未有…
就立刻炮製左煎鵝肝我地醫住肚先了!

我地絕對係食左熱食先有冷盤食呀!
有薄燒牛…鐵板蝦…元貝…
西京燒係我最愛!所以不停落單…
我食左三分份銀雪魚呀!
碗屋食物質素係很好的…

刺身新鮮…仲要厚切真係不得了呀!

最精彩既環節就緊係現金遊戲節目啦!
除在老闆外…team head們同top sales都拎出現金將彩池變得更精彩!
我們玩既係Bingo!
Bingo card每張廿蚊買得多中獎機會越大!
Part 1 
老闆抽出號碼只要直橫斜任何一樣中左都有$500!

Part 2
老闆繼續抽出號碼
今次就係外框中晒就有$1000!

Part 3 終極大獎
重新開始
老闆抽出號碼只要成張卡號碼中晒就有$10000!
分別有兩個一萬大元現金獎!
都真係咪話唔刺激呀!
大家都玩得好開心…
可惜我中唔到獎啦!

食飽飽…就回家去了!
真係替中左一萬大元同事高興呢…

2015年12月13日 星期日

Kiefer's Birthday @ 天巒

今日係細佬四歲生日!
在天巒會所搞左個生日會…
邀請了魔術師黎表演…
仲有位扮演TH0R既演員…
事前HusB已經期待扮演TH0R會係咩一回事呢?

哩度環境真不錯!
一大片綠油油既草地…
有到會同安排左BBQ美食呢!

小朋友們對魔術都比較雀躍…
相反扮演TH0R既演員就不太受歡迎了!
因為真係好唔似…失敗!

最後到切旦糕環節!
約六點就結束生日會了!