公司海鮮宴

每年公司都會舉辦海鮮宴！
大家似乎都不在乎吃什麼⋯
最重要係大抽獎環節！

放工後先去脊醫做物理治療⋯
已經做了兩次但完全未有好轉！
灰爆⋯痛到冇晒心機了⋯
今次習中頸部做治療！
希望可以快點好返啦～
醫生也說她的病人情況跟我一樣⋯
做3-4次就好返！今次已是我的第三次了！
哩排其實都在中西合壁～
沒有物理治療的日子就去做針灸～

完成治療⋯
回公司等埋同事們一起出發去海鮮宴！
上年我地部門都真係勁旺⋯
結婚既同事們都有大半中獎～
而我也不例外中了IPHONE 5S！
但最後因為缺貨折現給我！

今年有廿萬現金抽⋯真係聽到都興奮～
雖說是廿萬⋯但每次都會屈管理層再出錢抽⋯
今年仲抽埋USD～RMB～
不過咁豐富又點丫？
哩陣子我咁黑仔所以乜都抽唔到！

跳彈床

HusB為了令我可以減壓⋯

約埋RUBI同埋我一起去玩跳彈床～
讓我唔好再諗住牙鮫痛！

的確原來會令我好開心～
暫時放下了一大堆離唔開我既壓力⋯
而且也會忘卻了痛楚！

好好玩呀！

情緒低落

最近提不起意慾寫BL0G⋯

久久也沒更新！

皆因我真係覺得好灰…

牙鮫位置已經兩個月了仍然都沒有明顯好轉…

夠竟是發生什麼事？

起初醫生說是筋發炎…

之後就係個關節問題…

照了X-RAY牙鮫沒有任何發現！

但點解仲係咁痛？

上網尋找一些有關資料發現原來也有機會是由頸椎影響…

於是今次就去睇脊醫看看是什麼一回事！

醫生說我的頸椎有輕微扭歪了…

導致牙鮫左右不平衡而壓到三叉神經線…

怪不得痛楚真係扯住個太陽穴…耳背對下頸位置及前頸位置…

真係心情勁差！

因為真係好痛～依實牙齒劇痛…撐大口好痛！

真係好驚哩世就係咁喇…

情緒極為低落！

HAPPY GATHERING

今日相約了到ANNIE家GATHERING…

有了兩個小朋友！最佳既約會地點始終都係在家最好～
又可以同小朋友玩樂～又可以輕鬆一點！
雋雋哥哥大個仔好多喇！講野又多左～玩起上來又癲左～
冇見妹妹幾個月～真係長大得好快！
BB每日都在轉變中…下次見她可能又唔同了！

今晚既晚餐係大家都勁耐冇食過既KFC…
勞煩了陳生陳太為大家買來勁豐富既炸鶏炸鶏炸鶏～
正呀！
原來好戲在後頭～
大家為我補祝生日呀！好開心好感動呀！

我真係覺得自己好幸福呢！
還收到EMILY送我的星星手鏈呢！
跟好友聚在一起真係好開心呀！
忘卻了牙魰帶來既痛楚呢！

MY BIRTHDAY

來到正日了…

今日返工完全地感到好重既H0LIDAY M00D…
不過還是要打醒十二分精神…
無謂生日溜溜做錯盤影響心情！

終於都等到收工喇…
今晚HusB帶左我去THE EXCELSI0R H0NG K0NG頂樓的T0TT'S AND R00F TERRACE享用晚餐！

環境不錯…看到整個維港景！
看著天色慢慢由黃昏變成夜晚…
加上雨停了…整個景象都好清晰！
這裡既食物我覺得比較一般…
最後還有哩個心太軟作晚餐既終結…

好開心呀！

原來仲有另一驚喜…
HusB帶我來到另一個慶祝地點！
嘩～日文カラオケ！勁開心呀～
我好耐都冇唱過了…早陣子曾經提及過…
沒想到今晚可以來一個日文Ｋ之夜呀！
還來了一個特別嘉賓～就係我既好妹妹RUBI！
原來兩個鬼鬼馬馬早就已經夾定了…
好開心呀！

勁多想唱既歌…不過太耐冇開金口了！
HusB不會唱日文歌…
這兩小時只在欣賞我倆既歌喉…
一定要悶透了！

我真係覺得好驚喜呀！好開心！
完全都沒有想過…
整晚都睡不著了！因為心情仍然好高漲！

HAPPY NIGHT WIV FAMILY

生日前夕…

這日有安東尼同我食日本料理賀寿！
今次我叫左一個海膽三文魚子飯定食～
海膽係我既最愛！

真係好好味好新鮮呀…唔多夠喉！

晚上回娘家晚餐～
這晚DADDY整左炒蟹同蒜蓉蒸蝦…
美味既晚餐呀！
之後又到切BIRTHDAY CAKE環節！I

這次是ITALIAN T0MAT0既最新蜜桃旦糕～
好味呀！
又過渡了一個愉快既晚上！

澳門一日遊

早上起來在家享用早餐後就出發到港澳碼頭上船過大海了…

搭早一班船先到威尼斯人換門券及當晚船飛！
打算回程搭十點船…點知FULL左…仲話只有8:30同11:30…
唔係呀嘛？多人到咁？
好在突然又說10:30有位…就二話不說要了！
差半小時沒所謂…
套票最危險就係回程時間唔一定可以換到心水…
如是者今晚我同HusB先回程…
Daddy Mami Rubi就遲一班船走…
真係好在搭早一班船來…唔係既話真係唔知可以換到幾多點船飛走！

由於表演於下午三時開始…
加上天氣太熱了…在烈日當空下還是留在室內好了！
所以就在威尼斯人F00D C0URT完成就算了…
然後到處逛逛也到CASIN0待了一會！
就係時候入場睇SH0W！

今次明顯地比上年多人…
可能係有足夠宣傳吧！
而且比上年的表演時間縮短了！
但一樣都係咁精彩！好睇呀～

完場後見尚有時間就行左去GALAXY兜左個圈再回威尼斯人既威豐味會合家人享用自助晚餐！
一行十四人連埋姨媽舅父們一起…好熱鬧！
這裡食物款式比我想像中多…而且質素也不錯！
刺身以三文魚最好食…好肥美！
是因為我拿的是魚腩既關係吧…
胡椒豬肚湯超好味！
不過胃口不大所以不是吃了很多東西！

食飽飽仲有時間又再去CASIN0打個白鴿轉…
玩左一陣…打和平手就離場了！
去到碼頭簡直人多到不得了…
後補位既人龍打晒蛇餅！
回家後勁速梳洗後要訓覺了又要準備明日返工！
天氣熱真係咩地方都去唔到…
不過生日優惠套票又真係幾抵既～

BIRTHDAY LUNCH @ 松菱

今日節目很豐富…

明早同HusB & Rubi一起出發到澳門睇Nitro Circus！
早已買了套票…船票+門券！
但原來金光飛航推出了生日優惠…
在生日月份可以優惠價$208買兩套來回船票…
的確係好抵呀！所以決定一家人去！

先跟HusB在樓下新開的點心店食早餐先出發到信德中心買船飛！
暑假真係勁多人…
兩套生日套票唔能夠同Nitro Circus套片船飛買埋同一班10:00！
唯有買早一小時到澳門先會合…

HusB今日去滑水…
而我就相約了一班好友到松菱慶祝生日！
久違了的鉄板焼！超好味呀！

然後繼續到老地方飲野吹水…
一吹就吹了四小時！真係好暢快呀！
我地真係好耐冇試過傾得咁開心～
最重要係能夠讓Rubi盡訴心中情！

然後回娘家晚飯…
今日係七月十四日…還是早點回家好了！

2015記事簿

記事簿真係我每年必買既ITEM…

每次都花多眼亂唔知揀邊本好！
基乎主打都係Little Twin Stars♥
今年當然都唔例外！
當Kiki&Lala預上黑色…
原來係咁靚架！

多謝Rubi送給我既第一份生日禮物！
我好中意呀♥
勁靚！