自家煮 - 日式旦包咖哩飯 + 焦糖布丁

早兩日突然間想搞搞新意思⋯

於是今晚邀請左Rubi來我家搞屎棍⋯

又可以挑戰啲新野喇！

以往食日式咖哩飯只會買即食咖哩包⋯

只要叮熱啲咖哩汁就完成⋯好方便又快捷！

今次決定用咖哩磚試下！

材料：

薯仔兩個

甘荀一條

洋蔥一個

雞脾肉 

水 800ml

咖哩磚

首先將薯仔及甘荀切細件⋯洋蔥切條！

爆香洋蔥加入雞件（其實用其他肉類或者唔加都得）炒兩炒再加入薯仔及甘荀再兜兩兜！

然後加水煮滾後加入咖哩磚慢火煮！完成⋯

明明就咁撈飯食已經好好味⋯但

總是要搞下花臣！

就係整旦包飯！

先將飯炒底⋯再整旦皮包住！完成！

賣相一流呀！好似Coco壹番屋咁呀！

追加甜品：焦糖布丁

由於試整既關係⋯比緊粗糙唔細緻！

但味道又真係不錯呢！

今日真係好滿足呀！