今日終於都唔駛早起了！
起身後到附近餐店嘆早餐…牛角包加杯咖啡都不用HKD20…真係好抵食呀！
經過生果店看到大大粒既士多啤利忍唔住買盒回酒店慢慢食呀！
2KG只係4歐元…真係平到癲呀！
為食既我返到酒店即刻食！
很香但不算甜！都好好味呀…
今日行程︰舊城區 + 沙灘 + 蘭布拉大道
由酒店慢步到加泰隆尼亞廣場大約廿多分鐘…
廣場沒有什麼特別…
往舊城區遊客多的是…
係巴塞隆拿最古老既地區…
特別係哥德區係哩個老古城既中心…
第一站會見到既係巴塞隆拿主教堂！
哩一邊又有另一種美！
有古羅馬時期既感覺…
羅馬城牆既遺跡仍然可以看到！
街道規劃好複雜！
有好多小街道同廣場…
好易就迷失方向…
因為度度都差唔多樣！
我地選擇唔拎地圖在穿右插咁亂行…
哩個係國王廣場…
係中世紀大皇宫同皇家禮拜堂既入口！
在牆上會看到古代既交通標誌！
行到咁上下就走入一間餐廳食午餐！
好在黎早一步踏入兩點已經滿座及等位了…
坐在隔離枱既常客告知原來這餐廳已有百年歷史了！
離開舊城區沿住蘭布拉大道行出海邊感受下地中海既海風！
蘭布拉大道真係好熱鬧…
還有很多街頭藝人！水準真係高過倫敦既多多聲！
最喜歡哩個JOHN LENNON…
行到盡頭會見到哥倫布紀念塔…
他指住既方向相信就是新大陸吧！
過左紀念塔就係碼頭了！
好舒服既地方…
治住橋行去另一邊係一個商場…
然後再行去沙灘…
吹吹海風欣賞下風景絕對係一種享受！
可以咁休閒真好！
哩個係巴塞隆拿之面！
黎到第四日既旅程我地都行左好多好多路！
對腳都真係好攰…而且腰骨都痛！
當中既大幸可以話係我腸胃炎好快好返唔係既話都真係邊度都唔駛去！
在沙灘看到有人做按摩？
以我地兩個既狀況有人幫我地按摩真係一件樂事！
第一次在沙灘上MASSAGE…真爽！
跟HusB每人半小時！差完電又可以繼續行程了…
慢步沿住沙灘長廊行…
行到盡頭係CASINO BARCELONA！
原來1-3/5 有沙灘足球比賽…
我地又可以來湊熱鬧又多個節目喇！
然後搭巴士回蘭布拉大道！
哩條大道有好多餐廳…而且又有好多檔攤…
行到中段會去到LA BOQUERIA MARKET！
哩個市集有各式各樣既西班牙美食…有黑毛豬腿…芝士…海鮮…水果…
我都忍唔住要買黑毛豬食呀！
經過一間有售門票既檔攤看到歐聯四強…
巴塞對拜仁既比賽巴波飛！
如果我在這時間還在這裡就好了！
不過看看炒飛價錢…
山頂都要350€！太可怕了！
然後再慢慢行返酒店附近食晚餐！
沒有留言:
張貼留言