真係好耐都冇來了!
新年後都沒有加價~同是又能保持水準!
真係好難得~好好味呀!
食完哩個咁豐富既午餐~
我都要攪攪新意思~
整個豐富晚餐俾HusB享用!
今晚既晚餐我有新嘗試!
就係<<上海粗炒>>
今日可以準時收工!
到街市買材料~然後回家準備!
材料:
椰菜 半個
瘦肉 ($20)
上海粗面
首先將個椰菜切絲洗乾淨~
然後就將瘦肉切絲!(我既刀法未能好好地運用…切絲變切條)
用糖,生抽,麻油,粟粉醃15分鐘!
同時間就煲滾水將上海粗面放入滾水內煮約8分鐘~過冷河備用!
燒紅鑊落油先把瘦肉炒熟再落椰菜快炒~
然後就落上海粗面炒到咁上下落調味料(生抽,老抽,糖,雞粉)兜匀!
就可以上碟喇!
嘩~賣相都好吸呀!
不過還有待改善!
我覺得煮上海粗面可以煮耐少少至8成半熟~
就更加省卻炒既時間!
而且一定唔怕面未熟透!
不過第一次煮尚算不錯了!
有HusB既讚美~我覺得好開心呀!
沒有留言:
張貼留言