HONEYMOON － 澳洲之旅 DAY 9

8/5

TASMANIA既天氣真係明顯地比較凍…
早上起來也是食面包夾火腿做早餐！
因為一陣有個更豐富既早餐等緊我地呀！

今日我地既行程：
BRUNY ISLAND > MOUNTAIN WELLINGTON > HOBART

因為要搭小輪到哩個島！而且班次要一小時才一班！
所以要預早半小時到達排隊！等上船！
今日天氣非常好～
我地真係好好運…黎到第九日依然係陽光普照藍天白雲！

到達碼頭原來會有四條LANE排隊…
距離上船時間有40分鐘…但我地已經排第二條線了！
有十多架車在我地前面！佢地究竟幾早來到呢？
有冇機會係架船唔夠位載佢地而等下一班次呢？
總言之要去哩度就早半小時到碼頭就冇死了！
未上得船～放下車子…周圍行下影下相！

真係好舒服！
陽光晒落黎是暖暖的～但沒太陽的地方很凍呀～

一架私家車既費用係AUD 30！來回～
當上層載滿後就會到下層…
幸運地我地去程在上層～回程在下層…
可以感受下兩個唔同既地方！
當然上層緊係好好多～開揚好多～可以看多一點！

下層就像被困一樣…只係船頭可以近一點海吧！

到達BRUNY ISLAND我地第一時間係去GET SHUCKED食蠔！
生虫蠔>> 食左會生虫的嘛？

真係好抵食AUD15一打～開埋同埋加兩粒檸檬！

的確係比在SYDNEY FISH MARKET好食同新鮮～
我地ORDER左3打！好美味呀！
不過都係比較細隻偏瘦同埋咸啲！

之後繼續行程去THE NECK！

哩度係有企鵝出沒既地方～
沿住樓梯行上LOOKOUT只是數分鐘時間～

真係勁靚！一邊係海一邊係湖～睇住個海真係唔想走…

好大浪～四至五層浪打向沙灘～好壯觀！

仲落左去沙灘感受一下～聽聽浪聲感覺好FREE！

我地決定左唔會參加三小時既船河導賞團～
所以比較多時間在島上慢行…

我地揀左GLASS POINT遠足～

沿住海岸線行個半小時左右！

希望能夠遇上小動物！
當然係失望而回～
由於仲有另一景點要去…所以在哩度逗留既時間至兩點左右～
就返回碼頭！臨別前再光臨GET SHUCKED食多轉生蠔當午餐！
真係開心呀～

第二站我地會去MOUNTAIN WELLINGTON～
由碼頭去約一個小時左右～
上山既哩條路是比較窄…看著車外既氣溫由13度慢慢跌至4度～都咪話唔驚！
到達時太陽伯伯都準備要休息了！
落車感受下4度低溫…好凍呀！
哩度真係說不出的美！

可以看到整個HOBART市全景～
好靚！好靚！　（哩個字已經用得太膩了…）
最意外既係因為天氣凍～積左雪～又另一種美～

到處都有雪～真係意想不到！好開心呀！

返出HOBART市都已經五點～天也變黑了～
真係太快就天黑！
由於酒店附近既泊車時間由下午六時才開始FREE PARKING至明早八時…
哩段時間應該係繁忙既放工時間…我地周圍兜下風～
突然間讓我想起TACOTACO墨西哥餅係HOBART必食既東西！
立即上FACEBOOK看看哩個流動店會在那裡開檔～
哩個流動店好特別唔會有固定既地址～
他們每日都會在FACEBOOK發帖在那地方出沒～
所以如果要找佢地就要留意佢地既FB專頁了！
由下午5:00先開店～賣完就無架喇！

今晚有四個款式～但我地揀左兩款每樣兩個！
AUD5一個其實都幾貴～因為份量細細！
但的確係好惹味好好味！

暫時醫下肚先～因為今晚要下廚了！
買左羊扒同埋雞串～仲有蒜蓉炒生菜～
大家既入廚經驗為 0！所以搞到夜一夜先有野到肚！

食飽飽傾埋明日既行程就乖乖地去休息！
唔知聽日又有咩靚景呢？
哩度真係勁舒服～好優閒呀！