HONEYMOON － 澳洲之旅 DAY 13

12/5

最後一日了…
HusB很早就起來為大家準備早餐…
早餐有煎羊架…出前一丁豬骨濃湯面…煎荷包旦！
仲有蕃茄仔～
真係好豐富！
慢慢享受下…等到10:00先執好晒行李去CHECK 0UT～

今日真係是但周圍遊…第一個景點係BATMAN BRIDGE…
話晒都係哩度既地標～就去看看！

但其實都冇咩特別…

今日我地再有機會見到草尼馬呀！
仲有好多隻添呀…
雖然今次唔係近距離…但真係勁可愛！

個個都望晒鏡頭呀

之後就去返DELORAINE哩個鎮仔…
我話過要再返來的嘛！
哩個鎮仔好有藝術既色彩…
街邊有好多藝術品！
我地揀左一間餐廳坐下享受一下舒服既環境！

之後遊覽一下風景都係時候要渣車去機場了～


近機場既道路會看到租車公司…
但如果要還車要繼續駛入去才會見到還車地方…
一個大大既停車場～
陪左我地五日五夜既車要交還了～

慶幸沒有任何大損傷～
其實哩個旅程真係好好運了～
咁多日都係天晴…只有要遠足既時間才下雨！
其實已經好好喇！
而且架車又咁聽話…冇事發生～
行行下跪低左都真係唔知點好了…
真係非常好呀！

坐在機場～分享下哩幾日既喜悅～
將盛餘物資製作我地簡單既晚餐！
塔斯曼尼亞煙三文魚用來夾面包～正呀！
哩餐亦將會係我地既晚餐呀！

上機飛SYDNEY…約十點幾到達！
DOMESTIC AIRPORT已經冇巴士去INTERNATIONAL AIRPORT…
又要去搭TRAIN…真係貴呀～
由於我地搭聽日六點幾機飛SINGAPORE…
所以我地決定來一個訓機場既體驗！
的確我地都覺得哩一晚租酒店係好浪費…
原來SYDNEY機場COUNTER CHECK-IN個層約11點左右就會關…
我地在樓下個層宿一宵…即係入境個層吧～
哩晚都真係唔少人訓機場！感覺都好安全…
因為我好快就大覺訓了…
連工作人員為大家檢查PASSPORT我都唔知道…真係好好訓！