港九新界一日遊

由十二月開始一直都未病癒⋯⋯
今日終於忍唔住要去睇耳鼻喉專科了！
預約左十二點⋯⋯但都要等左成粒鐘先到我看⋯⋯
基本上都沒有大礙⋯⋯
醫生話扁桃腺仲係有點紅腫係慢性喉炎⋯⋯
抵抗力差所以咁耐都好唔返⋯⋯
加上鼻敏感都有影響！
哎⋯⋯我真係好想快點好返呀！

睇完醫生去左大角咀睇下傢俬⋯⋯
因為我地仲有電腦枱同埋餐枱未買！
之後仲去左有名氣既英記油渣面食下午茶！
哩度只有油渣面一樣野食！
所以一坐低店員只會問要大定細！
記憶以來第一次食哩樣野⋯⋯好味！


時間尚早⋯⋯我地去埋荃灣睇枱⋯⋯
最後都買到電腦枱！真係好喇！
但就未知新年前可唔可以送貨～
我部新電腦好需要你架～快啲來呀！

晚上返HusB家晚飯！在巴士上睡著了⋯⋯
唔知點解真係好攰呀！
返到屋企等食飯前仲要小睡片刻⋯⋯
看來我身體狀況真係好差！
要好好操下令自己健康返病痛都少啲！

本來都打算去行花市⋯⋯
但太攰了⋯⋯還是過幾日先去吧！