煮飯對於我地兩個來說可以話係一件陌生既事！
皆因廚房哩個神聖地方。。。絕對唔係我地兩個經常朝聖既地方！
婚後依然未病癒仲要睇醫生
西醫唔得要睇埋中醫。。。
所以放工就去找胡醫生針一針順便小睡休息一下。。。
今晚約好左PCCW既師傅來裝英超。。。8-11時段！
都唔知會幾時上來。。。只有等待！
HusB放工後去左買餸！
今晚有菜芯／雜丸（魚旦／墨丸／蝦卷／魚片頭／牛丸。。。）／上海面！
放工時段街市有減價速銷。。。
五蚊兜菜芯！都有成十多條！好抵買呀！（最重要係新鮮唔係爛既！）
丸類就比較貴。。。
因為係買新鮮唔係急凍！
我地第一次一起下廚。。。
因為咩都唔識。。。所以都係有點雞手鴨腳！
先煮起上海面備用！
然後就淥菜芯。。。
聽說好似要落油！但重手地落多左！
感覺好油呀！
然後再落丸煮到浮起。。。再放返上海面落去煮一煮！
攪掂既同時。。。
PCCW師傅到要裝電視！
又會咁橋開飯先來！
HusB去處理而我就當然係試食～
點解咁怪既？
好重面粉味。。。係唔係未熟呢？
點解跟屋企煮既上海面唔同既？？
忍唔住跟HusB說好難食。。。嚇親他了。。。
但他試食完覺得沒有問題！還說係咁樣架啵！
跟他在家中食的是一樣。。。
真奇怪！
可能我地兩個家中所煮既上海面方法不同而導致我說了這個不好的形容詞。。。
不過始終都係沒有一個好湯底所以冇有味道很清淡。。。
我地要再加油！好好學習下煮飯先！
沒有留言:
張貼留言