今日我都要來一個新挑戰…
HusB喜歡飲魚湯…
所以今日就煮一個簡單又有營養既冬瓜豆腐魚尾湯慰勞下他！
面對住條魚尾無從入手好！
感覺好核突！
材料：
鯇魚尾 一條
瘦肉 十蚊
冬瓜 一斤
豆腐 一磚
首先洗乾淨條魚尾抹乾在兩面中間𠝹一刀（目的是容易熟）
爆香薑片煎魚尾至微黃色！
就可以加三至四碗水用大火煲十分鐘左右…
湯會變成奶白色！
之後落埋啲瘦肉同豆腐最後先落冬瓜！
魚尾可以撈起加啲胡椒粉少少豉油當餸食！
好健康呀！
啖湯好好味不過自己落鹽太輕手…
所以差少少先可以帶出湯既鮮甜味！
第一次算是有板有眼啦！
最重要HusB喜歡又有稱讚我嘛！
沒有留言:
張貼留言