紐西蘭南島之旅正式起程！
跟酒店安排了九點半接駁車去機場…
之後再通知租車公司來接我地去拎車…
旅程正式展開！
今次我地揀左一間本土既中型租車公司Apex！
因為格錢比較相宜一點…
不過車方邊就唔會有Avis…Eurocar…咁新喇！
我地將會租十一日約HKD4,600連全險加GPS！
車款就麻麻喇…12-14年…已經行十幾萬公里了…
沿途上既風景好靚好舒服呀！
南島景點與景點間距離比較遠…
每日車程都有三小時甚至再多啲…
所以我都盡量安排一啲中間休息點俾HusB休息！
而且唔好日日都都係長車程…
今日行程由基督城出發往西岸既Hokitika！
途中會經過Castle Hill！
係大石群…
其實景點真係好易搵…
只要見到好多車停泊左响度…
就一定有野睇架！
當然公路上係有路牌話你知前面幾多米轉左定右既！
之後又繼續出發前往Arthur's Pass！
在這裡食個午餐先！
點左個炸魚薯條仲有漢堡包…
仲點左兩杯咖啡提提神！
然後繼續行程！
來到Hokitika已經四點左右了！
其實我安排左一啲景點要去架！
不過先去今晚住宿既地方放低啲行李先啦…
The Villa
真係一間不得了既大宅！
應該會係哩個旅程最好既住宿…
真係物超所值！
淨係外表已經冇得頂了！
仲有個車房俾我地泊車呢…
由後門入屋…就會見到廚房！
屋主放低左屋匙在枱上還有字條及歡迎餅乾！
房總共有四間仲有兩個廁所…
大門入去一條長長既酒廊…
右邊係第一間房…
左邊係有套廁既房…好靚呀！
再行前啲左邊就係客廳…超級大呀！
接駁住飯廳同廚房！
之後右邊仲有兩間房…
行到最尾係一個廁所…
仲要只係NZD165一晚（二人價錢）真係好抵住！
第三人起就會每個人頭計算！
咁靚既大屋貴啲都會住啦！
之後我地去左市中心行下…
順便去埋超市買材料煮飯仔…
本來安排了去Hokitika Gorge行下睇下個Blue Pool！
不過時間唔太容許了…車程來回都差不多一小時！
另外Sunset Point都係想要去既地方！
一個可以看著夕陽跌落海既日落！
只怪自己唔好好做功課…搵唔到條沙灘路！
不過今日密雲都睇唔到咸旦黃！
黎到紐西蘭主打既緊係牛同羊啦！
啲扒真係好抵呀！
咁大間房都係2個人住? 好正WO!
回覆刪除真係超正～好大！仲好乾淨呀！
刪除哩晚真係住得好開心～
仲要唔係貴！物超所值呢！