唔知係咪我對特色戶有抗拒感!
整晚都訓得唔好…
因為冇開窗好焗…
空氣唔多流通搞到好似缺氧咁…
最後唔係好頂得順!
要開少少窗…得條線咁闊!
終於可以入睡喇…
之但係訓到咁上下又想去廁所…
我唔敢出去…唯有死忍直至天光!
哩晚真係覺得好漫長呀!
終於都捱到天光可以起身喇!
既然天都光左喇!咁就出去去廁所啦…
點知打開廁所門…
嚇到我死咁濟…
差啲連尿都瀨埋出黎!
整個廁所佈滿晒飛蟲…
救命呀!
但再唔去廁所我真係中尿毒架喇!
立即叫HusB開車車我去公共廁所…
事情得以解決!
我地返返去睇下特色戶既情況!
HusB手持殺蟲水入去同班飛蟲死過!
密集到好似地毯咁!
其實早上第一眼所見既係唔只咁少!
而且係牆壁…天花…連廁所板都佈滿晒架!
所以奉勸大家!
千其唔好開窗亦唔好開燈…
不過其實哩個廁所我地冇開到窗架…
只係開左燈方便夜晚去廁所架咋…
全因為個門隙太闊…啲飛蟲就飛晒入去啦!
見到都嘔心!
而我地用左9秒9最快既速度收拾行李去reception轉房!
轉返去Motel人都開心啲!
我今晚焗死都唔會開窗架喇!
今日我地會去Mt Cook參加冰河探險!
又可以再經過Lake Pukaki!
早上看湖水在沒有陽光下又唔同左顏色喇…
住Mt Cook既好處就是可以望住雪山!
不過哩邊既酒店就貴啲喇!
Edmund Hillary在可證明既紀錄中最早登上珠穆朗瑪峰峰頂既人!佢係紐西蘭人黎架!
我地參加左12:30既冰河之旅!
先在酒店門口集合再坐巴士然後再行約20分鐘既山路就會到達塔斯曼冰河湖喇!
硬係覺得我眼前看到既景都係一幅畫!
終於行到去冰湖!
好想快啲近距離觀賞呀…
而且也會為我地安排坐位…
我地架船連同導遊共十一人!
導遊會先叫團友們伸隻手落水感受一下哩譚冰水既冷!
啲冰湖水係灰白色!
主要係因為石灰石遭受到冰河底層流動時刮下刮下…
刮成石灰石粉造成呢!
開船喇!會見到一舊舊既浮冰!
導遊除手就執左舊晶瑩剔透既浮冰上來!
淨低既90%响水底!冰山真係可以好大座架!
所以導遊都唔會特別駛近去…而且都會好小心…
相信每日都有唔同既型態呢…
哩次既冰河探險真係獲益良多呀!
塔斯曼冰湖其實在1973年先被發現…
當時只係一潭水洼…因為冰河終端不斷地自然退縮…
每年都擴大啲再擴大啲…
只係短短40年左右就變左個咁大既冰湖喇!
其實積雪區既降雪需要大約300-600年既時間沿住冰川移動…最終進入內流湖!
所以响哩個冰湖見到既冰山係來至300多年前既積雪!
即係眼前既冰川終端面成300幾歲架喇!
完成冰河探險後我地沒有特別去健行!
渣返出沿住Lake Pukaki返去Tekapo!
下午時分更加可以看到Lake Pukaki獨特既藍色湖水!
當仲諗緊一陣食咩午餐既時候…
我既三文魚癮又發作了!
剛好HusB見到一個地方泊左好多車同有遊客既地方!
看看路牌Mt Cook Alpine Salmon
係咪有三文魚賣呀?
NZD30有500g
勁抵食!真係食到你驚呀…
不過哩度就有附送wasabi同豉油!要NZD 0.30一包架!
我個肚子感到非常滿足!
然後繼續車程…
返去Motel休息一會!
之後行去今晚晚飯既地方…
黎到哩度必食既日本餐廳Kohan!
因為訂左枱直接入餐廳不用等位…
天婦羅便當
入夜後經過昨晚既可怕事件我唔敢開窗訓了!
沒有留言:
張貼留言