結婚六個月 ❤

唔經唔覺咁快就半年了！
時間真係過得好快呀…
 
四年一度既國際盛事令到大家都唔係好夠時間休息…
每日都不願起床…很累呀！
今日我地留在家裡煮飯仔…
放工後就到街市買菜～都係簡簡單單既晚餐！
夏天最適合都係食瓜類…
所以都係煲左節瓜排骨湯！走咸旦加左兩條剩餘物資>>廚師腸！
白灼蝦…R0SEMARY BREAD + SM0KE SALM0N


興致勃勃地想要食薯仔沙律！
以往只係負責食…今次第一次自己整～
感覺好開心呀！
 
味道同MAMI整既有八成…
聽日可以帶返工當LUNCH了！
好味道～

DINNER WIV EMILY @ PIZZA EXPRESS

晚上相約左EMILY在K11的PIZZA EXPRESS享用晚餐！
第一次來這間PIZZA EXPRESS！平日一至四會有套餐～
如是者我地叫左個二人餐再加無限添飲既LEMON TEA！
由於太耐無見了⋯
所以一傾又傾了三個多小時！
因為有REFILL LEMON TEA所以沒有口乾情況出現呀！
大家分享了旅行既喜悅！
真係開心！

二人餐份量的確對於兩個女孩來說係大既！
最後都係要打包拎走！

BBQ @ 石澳

今日節目豐富…
同六月之星慶祝完生日後…再去左石澳BBQ！

HusB相約了好友先入石澳游水…
我同RUBI食飽飽後跟細佬車一起入去！
又可以同兩個姪仔一起玩了～
今日天氣尚算不錯！
早上下著大雨…但下午有點陽光！
今日沒有落水既意慾…
  
只是看著他們玩就是了！
約六時左右才開始BBQ～
夜晚才開始落雨…
涼返少少舒服點！
玩到十一點幾離開！
三人一起搭的士回家…
 
今晚決定在娘家宿一宵！
一起睇波～

BIRTHDAY LUNCH @ BOUCHON BISTRO FRANCAIS

21/6

六月之星既慶生聚會…
今次寿星女揀左中環既一間餐廳食BIRTHDAY LUNCH！

約左RUBI一起搭巴士去…
因為餐廳置一點都不近地鐵站！
 大熱天時仲要行上半山…真係唔好找自己笨！
 相約一點在巴士站等再一起搭23號上堅道！
 到達餐廳後～寿星女係最早到既！
雖然有訂位但因為太FULL了都要等一陣先安排到座位！
無幾耐大家都陸陸續續到齊了！

 
這餐廳環境也不錯…但座位比較迫！
七人都叫了LUNCH SET…的確幾多選擇！
我覺得哩個食物質素其實都係抵食既～
先來面包！
 
頭盤我揀左虎蝦沙律！
 
主菜就揀左魚～
 
甜品就揀左CREME BRULEE！
 
好好味呀！

大家一邊食一邊傾…
分享下去旅行既喜悅同手信！
咩都傾一餐…真係好開心～
不過因為我同RUBI有下場節目…
所以食完LUNCH就要先離開…
唔同佢地一起去逛街了！

慶功宴

部門為公司銷售產品獲佳績～得到$10,000獎金！

於是決定食左佢！

今次揀左北角城市花園酒店既綠茵閣食BUFFET～
星期一至四有68折！折左＄360左右一位～
為迎WORLD CUP⋯餐廳都有足球裝飾！

食物種類不太多⋯但質素不差！
海鮮：長腳蟹腳，蝦，藍青口，青口，螺
刺身：三文魚，帆立貝，吞拿魚，魚
冷盤類別的確不錯～
另外還有鐵板燒，燒烤～都幾好味！
我幾欣賞甜品：豆腐花～幾滑！
當然唔少得MOVENPICK ICE－CREAM～有六款味道選擇！

我地仲遇見葉翠翠添～坐在我地附近！
真人真係好高又好瘦呀！

住家飯

今日決定在家煮飯仔！

放工後就去左街市買餸～
今晚既DINNER有：
1) 咸旦節瓜排骨湯
2) 蕃茄炒旦
哩兩個經常會出現既住家飯菜式！
的確完成後真係覺得好開心好滿足～
因為有HusB讚美！

兩個菜式都係第一次整！
又係電話問功課既時間～經DADDY＆MAMI講解一次後就動手！

咸旦節瓜排骨湯
材料：
腩排  $20
節瓜  3個 （兩人份量的話是多左一點）
咸旦  1隻

先把腩排醃一醃20分鐘⋯
然後煲滾約三碗水～掉啲腩排落去滾10分鐘後落埋啲節瓜！
10分鐘後加埋隻咸旦黃～5-10分鐘後加埋咸旦白落去⋯
攪兩攪～再滾一滾就完成喇！

蕃茄炒旦
哩個菜式我都食過唔少版本～但我喜歡MAMI煮既版本～
因為我不喜歡食一舊舊既蕃茄仲要連埋皮～我是不接受的！
MAMI既係會先在蕃茄上輕輕個十字～
煲滾左水熄火將蕃茄掉落去浸一陣～
之後拎返上來就好易去皮了！
然後再將它們切到一粒粒！細細件～
炒好旦備用！

步驟：
煮蕃茄～如蕃茄少水可以加少少水～
落啲鹽落啲糖再落少少茄汁！
加幾條蔥最後加返啲炒旦兜兩野⋯
搞掂！

我就係按照住DADDY＆MAMI口述一次亂咁來就完成哩餐咁健康既DINNER！

的確都有板有眼～味道都唔錯！
HusB仲讚個滾湯好甜好好飲呀～

HONEYMOON － 澳洲之旅 DAY 15

14/5

今日會搭點半機飛返香港喇！
我地既行程終於要完結了！
早上起來執好晒行裝又出發到AUNTIE家附近既大排檔食早餐～

上前來…我跟RUBI只顧訓覺都沒有跟埋一起去哩度食早餐！
今次我要食MAMI喜歡既蝦面～好味呀！
飲左杯拉茶～正！
另外當然唔少得係印度簿餅…至愛！
真係豐富既早餐呀！

AUNTIE幫我地訂左4個斑蘭旦糕拎返HK～
另外買多一個俾HusB即時品嚐！
老實說我覺得好食過BENGAWAN SOLO好多～
早上剛焗起的～正呀！
下個月姐姐會來HK…
所以都唔俾我買咁多野返去…
留返下個月她們來才拎俾我地！怕我地太多行李了～

時間過得真係快…
我地又係時間要出機場了…
只係短短逗留左一日的確唔係太夠喉！
不過SINGAPORE AIRLINE成日都有PROMOTION…
有平機票真係隨時飛去都可以…
話咁快就玩完喇…又要回到現實世界！

到機場去拎返晒行李～再一次整理好先去CHECK-IN寄倉！

哩程機我地又係搭A380…
不過今次我地揀左上層坐！感覺好似舒服點…

或者係因為人比較少…所以感到好鬆動吧！
約4小時機程到達HK…悶熱既天氣真係好辛苦！

好掛住哩十幾日在澳洲的日子…
選擇搭巴士回家…放工時間都預左會有點塞車…
但一小時既車程搭左我兩個多小時…
在上環根本唔識郁…原來發生交通意外！
不過也沒阻我地三人繼續回想哩個行程既喜悅…

明日請左假好好休息收拾心情！
仲有好多衫要洗…真係有排洗了～

總結：
哩個澳洲之旅真係好順利！
又夠動感～真係好好玩～
在CAIRNS既活動都係第一次嘗試！
好多新體驗呀～
而且天氣真係非常好～去左半個月的確冇可能日日都咁好天～
但我地都只係有兩段仔時間係有雨～真係好好好運架喇！
SKYDIVE時更加一粒雲都冇…亦係最好既！
真係超開心～重溫下相片／短片真係好想再去多次～
我想我已經玩到創左…提不起勁工作！日日都想住去旅行～
上天下海咩都玩…哩個HONEYMOON真係好深刻～
CRAZY LOVER