家常便飯

今晚又來煮飯仔！
放工去左街市買餸…
招呼得RUBI來…
緊係要煮啲佢鐘意既菜式！

今晚會煮既有薯仔雞翼…蒜蓉炒翠玉瓜及玫瑰露煮花甲！
試過了大蜆，沙白蜆…
今次有花甲又再試下烹調！
返到屋企就開始準備了…

薯仔雞翼

材料：雞翼 - 8隻開邊
            薯仔 - 2個切件

調味料：蠔油+糖+水

首先用鹽糖生抽醃雞翼半小時…
之後落鑊煎至半熟再加入薯仔…
然後加入蠔油糖水…蓋好炆熟！
 
香噴噴呀…
味道真不錯真係勁開心…
雖然沒有賣相…
但係好味就得啦！