2016年3月19日 星期六

紐西蘭南島之旅 Day 8

昨晚又落左整晚雨了!
早上起來都係落雨…
真係唔開心呀!
哩個Milford Sound之旅都係其中一個我期待既旅程…

早上食過早餐就準備集合喇!
行出小屋門口就見到彩虹呀…
半月形掛在天空上真係第一次見!
上左旅遊巴後更在途中看到雙彩虹添呀!
真係好幸運呀!

先介紹一下哩個Milford Sound Extraordinary Tour…
Milford Sound係一個峽灣…係由冰河刻蝕既遺蹟!
峽灣兩岸係陡峭既岩壁!
有無數咁多瀑布掛在岩壁上!
據說峽灣幾乎在全年內有2/3時間都係落雨架!
當然我地就做唔到幸運既遊客喇…

在前往Milford Sound會有好多個景點好值得去欣賞架!
哩個深度遊由八點玩到六點!
可想而知有幾多野睇啦!
第一站我地來到 Te Anau Downs
見到哩個看似有陽光出現既情境…
唔通能夠看到雙彩虹可以咁幸運?
其實係假象黎架!

哩個咁既天氣…
其實咩都睇唔係幾到架喇!
每一個景點都有雨水陪伴呢!
去到Mirror Lakes…
鏡湖一點都不鏡!
哩個倒轉既牌真係好有創意!

其實落雨都有另一番景象!
去到Marian Cascade有一段路要行既!
啲流水澎湃到呢…
唔小心跌左落去都浸死架喇!

Welcome to Gunn Country!
一個camping既營地!讓我地可以休息一會!
小休時間仲有茶點供應俾我地!
鬆餅好好食呀!
明明已經食左早餐都仲可以食到兩件鬆餅!

然後繼續行程…

由於落大雨既關係…
溪流流水都變成度度都係瀑布呀!
在空地自轉一個圈…
360度看晒一條條既瀑布流水!
好壯觀…

進入哩條Homer Tunnel前…
近啲距離進下啲流水先!
真係超正呀!

去到最後一點就係搭船觀光Mildord Sound哩個峽灣美景!
風大雨大都真係唔知睇到啲咩喇!
上船喇!
我地同民宿主人訂左午餐!
都好豐富架!

原來哩個天氣下去觀賞峽灣真係好鬼過癮!
為左要睇景影相…由頭濕到落腳!
啲風吹到啲瀑布散晒呀!

個半小時既船程完結後帶著全濕既身軀上還旅遊巴回程了!
黎到黃昏時間…
太陽伯伯終於肯同我見面了!
去到Te Anau開始停雨喇…
回到Birchwood Cottage拎返架車…
我地要轉地方喇…
就在湖邊既Te Anau Top 10 Holiday Park!
一個很好既住宿地方!
One Bedroom Motel…哩間時尚感幾重!
好舒服呀!
既然雨停了就緊係要外出逛逛啦…
對住湖景真係好寫意呀…
又係沿住湖邊行…
之後就去Supermarket買材料喇!
今晚煎魚柳同羊扒!
在準備晚餐時HusB就將所有要洗既衣服拎晒去自助洗衣房去洗衫同乾衣!

雖然落雨係有點美中不足!
但亦因為落雨…
所看到既就變得好澎湃好瘋狂!
真係有另一種美態俾我地欣賞…
有機會真係想再來看看風和日麗下既Milford Sound!

沒有留言:

張貼留言