2016年3月17日 星期四

紐西蘭南島之旅 Day 6

因為Wanaka哩個小鎮真係太正太舒服太唔願離開喇…
加上今日行程所需既車程唔耐…
所以我地決定响度留多陣先至走!

早上走到Lake Wanaka再欣賞多一次!
真係好似一幅畫…
詩情畫意既景色!
完全係瀨死唔想走呀…
望住哩個湖呆坐幾粒鐘都唔會悶呀!
再周圍走走逛逛…行下公園!
在離開Wanaka前當然要去埋個Puzzle World到此一遊啦!
我地只係在門外影下相就算喇!
沒有俾錢入場…

今日行程係由Wanaka > Cromwell > Arrowtown > Queenstown
其實我地放棄左魔戒聖地!
所以先多啲時間留在Wanaka呢…

Cromwell 水果鎮係去Queenstown必經之路!
應該係話其實去Queenstown有兩條路!
其中一條就係6號公路…哩條比較易行…
而且會經過哩個水果鎮!
而最出名既Jones Fruit Stall就是在這6號公路喇!
當然我地緊係要去看看同買下生果啦!
依家哩個季節盛產水蜜桃…布冧!
不過HusB不太好哩類生果…
所以我地只係買左啲提子…梨同奇異果!
我仲買左包蘋果片就繼續前往Arrowtown !
途中會看到Kawarau Gorge!
啲河水既顏色好特別呀!

進入箭鎮前當然唔少得哩個將笨豬跳發陽光大既熱門地點AJ Hackett Bungy Jump啦!
在一條過百年既鐵橋一躍而下!
我就無哩個勇氣喇…
我地只係睇人地跳…
之後就去當年好多華人賣豬仔來既淘金鎮Arrowtown行下…
同享用午餐!
哩度最主要最旺既街道就係Buckingham Street!
不過條街好短…三兩下就行完架喇!
我地揀左間法國cafe午餐!
哩個鎮仔又有另一番風味!
食飽飽就去周圍行下!
哩度有條歷史徑講述當年華人來淘金既歷史!
哩啲屋仔就係當年佢地自己起架喇!
不過我地時間唔太足夠…
所以行左部份睇左一下歷史就離開哩度喇!
看得多花草樹木…眼睛都冇咁易疲累呀!

之後繼續行程前往多姿多彩既皇后鎮…
哩度真係人多車多呀!
我地揀左一間距離市中心約五公里左右既Mantra Marina Queenstown!
酒店是對住Lake Wakatipu…

既然今日天氣咁好…我地決定將明日既行程今日K.O埋!
本來明早先去Skyline Queenstown坐纜車玩Luge同食Lunch Buffet!
依家就改為坐纜車玩Luge食Dinner Buffet睇埋夜景…
幾浪漫 ラブラブ

去到Skyline大約五點左右!
買左來回纜車加三次Luge既套票!
去觀望台看看皇后鎮全景!

之後就緊係去玩Luge啦!
第一次必須要先玩簡易賽道!
工作人員會講解點樣操作…
哩條賽道可以欣賞風景架!
玩完簡易賽道就可以去另一條進階賽道玩喇!
哩條刺激好多!
三次真係唔夠玩呀…
HusB玩得好開心呢!

玩完之後就到處行下欣賞下風景同睇人玩滑翔傘!
相信用哩個方法欣賞風景都應該唔錯呢…
其實我地五點左右來到可以看到白天既景色同埋黃昏景色都真係唔錯呢!

之後我地仲會响哩間落地玻璃既餐廳享用晚餐睇埋夜景!
我地食八點鐘哩段時間…其實都差不多爆場架!
食物種類好多…好豐富!
食到捧住個肚走了…

今日行程好豐富!今日玩埋Luge…
聽日就可以慢慢感受下皇后鎮既熱鬧喇!
晚上回酒店後睇返歐聯巴塞對阿仙奴既精華片段…
休息了…

沒有留言:

張貼留言