因為可以搭直升機去冰川健行丫嘛！
咁大個女都未搭過直升機…
黎到哩度有哩個機會就緊係開心又期待啦…
十點鐘離開哩間咁舒適既大宅喇！
離開前整左個豐富早餐俾HusB…
渣長途車好辛苦架嘛！
今日既天氣真係無敵！
哩度既藍天真係好吸引…
行程：Hokitika > Franz Josef Glacier > Fox Glacier
西岸哩邊有兩個著名既冰川可以健行！
分別係Franz Josef Glacier同Fox Glacier！
從Hokitika出發往Franz Josef Glacier會經過Lake Lanthe…
真係好靚呀！海天一色…
見到靚景心情都是非常開心！
進入Franz Josef Glacier前仲會有Lake Mapourika哩個湖景！
同樣地都係好迷人！
感覺好基基呀！
不過望住哩個湖景野餐又幾寫意丫！
我地沒有特別地留在Franz Josef Glacier哩個鎮仔觀光！
不過哩度好多遊客呀！
遠眺雪山已經開始好興奮了…
由哩度去Fox Glacier既路程雖然只係24公里左右…
但要行成半粒鐘…因為成條山路都係彎！
好在我啪左粒浪途適！
Fox Glacier明顯地比Franz Josef Glacier冇咁大…
同埋冇咁多遊客！
可能始終哩邊因為只可以Helihike…
如果體能好既遊客一定會揀半日或一日健行！
先去Fox Glacier Top 10 Holiday Park & Motels check-in！
雖說是Holiday Park…
第一時間聯想到campervan泊入去攞電…
去公共浴室白白豬…公用廚房煮野食！
不過我地揀既係Top Motel…
但我地始終太近時間先訂房…
所以雖然得兩個人都要訂兩間睡房住五人既屋仔！
車泊在屋仔前好方便！
好乾淨企理都好舒服呀…
一陣我地會參加14:50既Helihike！
不過去到Fox Glacier突然變得陰天了…
太陽伯伯好似唔見左咁！
好在無阻礙到行程…
14:50 Helihike Tour準時成行！
我地遇上了一團內地團…
約三十人左右！
集合後職員會帶我地去一間房內…
提供羊毛襪…鞋…防水外套哩幾樣裝備俾大家！
然後就載我地去停機坪！
黎到哩邊會有工作人員會講解一啲注意事項！
再為我地分組同埋量度重量！
工作人員會安排兩名女生坐直升機既第一行！
我有幸地成為其中一個！
前排真係好多野睇…
視野好廣闊呢！
特別係我個位！前面又有得睇左邊又有得睇…
真係忙呀…哈哈！
真係好興奮呀！
我地要等齊晒領隊及六小組！
著好冰爪先正式開展冰川健行！
哩邊雲層好厚…
所有野都變得好陰沉喇…
雖然沒有太陽但都唔會覺得凍架…
可能我太開心冒晒煙…
所以咪唔凍囉！
領隊會拎住個鋤一邊行一邊睇下邊度啱我地行！
同埋幫我地開路等我地好行啲！
我要進入冰洞了！
好似會變色咁…望真啲好似好藍…
有時又會係淡淡既藍…好喜歡！
一個跟一個慢慢地在冰川上行走…
領隊會先視察一下拎冰洞是否安全才會讓我地逐個逐個入去看看呢！
還帶我地去飲下無污染既冰川水…
其實沒有特別地清甜架！
不過一定夠凍！涼浸浸…
冰川健行其實只有個半鐘左右…
行下停下時間過得好鬼快…
行下行下又係時間要結束了！
等待搭直升機回去才是整個旅程最寒冷既時間呢！
的確真係一個好好既體驗！
今晚簡簡單單煮左個磨菇汁意粉同椰菜！
夜晚開始落雨了…
真係慶幸已經玩左冰川健行！
其實明日都會留多响度一日！
目的都係因為西岸哩邊天氣比較冇咁穩定…
預多日俾自己如果上唔到冰川都仲可寄望第二日嘛！
哩度除在冰川健行哩個玩意外…
當然都唔少得去Lake Matheson睇湖景啦！
據說清晨同黃昏去係最佳時間！
就留待明日去欣賞啦！
好靚呀冰洞!
回覆刪除肥人怕高, 坐直昇機應該會腳軟..哈哈!!!
可能當你知道有好玩既玩意等住你時～
刪除你就分心唔怕架喇！^^