2016年3月2日 星期三

自家煮 - 節瓜魚片粉絲

哩陣子都冇特別地去煮野食…
好多時都係煮個粉淥個麵就一餐了…
近日因為皮膚敏感…
盡量都介口食清啲啦!
今日突然想起屋企間唔時都會煮既節瓜蝦米粉絲哩個菜式…
於是就決定今晚食哩個啦!
不過就唔用蝦米改左落魚片同臘腸!

材料:
兩個節瓜切條
魚片切條
臘腸切粒
粉絲兩束
薑數片

首先爆香啲薑就落節瓜條炒下…
然後落一碗水(加左啲雞粉)加埋臘腸煮到節瓜淋喇!
就加已浸水既粉絲同魚片…
粉絲吸水力好強唔夠水就加啲水啦!
好容易就煮好左哩味餸…

飯都無煮…就咁當飯食!
飽晒!味道都唔錯呀!

沒有留言:

張貼留言